Xesús Pedreira: "Grazas a eses convenios asinados entre 2007 e 2009 puidemos facer o parque Pilar Martínez Viqueira, instalar illas verdes, limpar os nodos ríos e poñer en marcha o programa Ordes Recicla"
Os socialistas reclamarán tamén unha auditoría económica da planta"
O PSOE de Ordes pide a
recuperación do convenio establecido entre o Concello de Ordes e Sogama como
contraprestación pola ubicación da planta de lixo e as molestias que ocasiona
os veciños e veciñas do municipio.
Así llo solicitou o voceiro municipal
socialista, Xesús Pedreira, ao alcalde de Ordes durante a pasada sesión plenaria do
mes de outubro.
Un convenio que permitiu investir máis de 300.000 euros en melloras de parques, zonas verdes e campañas de concienciación medioambientais en Ordes entre os anos 2007 e 2009 nos que o PSOE estivo á fronte da Concellería de Medio Ambiente do Concello de Ordes.
A maiores, os socialistas reclamáronlle ao alcalde de Ordes que esixa unha auditoría económica de Sogama e de como xestionan os residuos, de cara a confirmar se incumpren ou non o convenio que reciclaxe que teñen asinado cos Concellos.
 |
| Xesús Pedreira (PSOE). |
“Grazas a
eses tres convenios asinados con Sogama, puidemos facer obras tan importantes como o parque Pilar
Martínez Viqueira na zona do Paraíso, instalar illas verdes para a recollida
selectiva de lixo nas parroquias, limpar os nosos ríos e espazos verdes,
recuperar fontes como a do Mesón do Vento ou poñer en marcha programas como
Ordes Recicla, polo que sería moi beneficioso para a cidadanía de Ordes
recuperar ese convenio”
*
