 |
| Tramo inicial da rea do Mercado, na vila de Ordes. |
Ramiro Recouso: “Queremos favorecer a dinamización comercial destas rúas e mellorar a calidade de vida mediante a ampliación de beirarrúas e a peonalización algún tramo"
O grupo municipal do BNG en Ordes anunciou onte que presentará
no vindeiro pleno municipal unha proposta para humanizar e peonalizar a rúa do Mercado e
o tramo inferior da rúa Compostela.
A proposta que o BNG levará a pleno plantexará a peonalización da rúa do Mercado, desde o
número 1 ao 12 (intersección coa Rúa Compostela) deixando so un carril de
circulación para urxencias e acceso a garaxes.
Na rúa do Mercado, dende o nº 13 ate final,
supresión de estacionamento nunha marxe da rúa e ampliación das beirarrúas.
 |
| Ramiro Recouso (BNG). |
As frases de Ramiro Recouso, portavoz municipal do BNG de Ordes
“Historicamente, Ordes, sufriu unha pésima xestión urbanística que provocou que sexa unha vila moi pouco atractiva, onde sempre se primou o espazo pra o tráfico de automóbiles en detrimento dos espazos peonís”
"O BNG de Ordes pretende comezar a mudar esta situación plantexando a elaboración e posterior execución dun proxecto de humanización e peonalización das dúas rúas, hoxe por hoxe, máis comerciais da vila de Ordes que son a rúa do Mercado e a rúa de Compostela”
“O que pretendemos con esta humanización é favorecer a dinamización comercial destas rúas e a mellora da calidade de vida de veciños e transeúntes ampliando os espazos peonís mediante a ampliación da beirarrúas e a peonalización dalgún tramo das mesas”
*
