 |
| Un vehículo do servido de transporte adaptado 065. |
Unha media diaria de 52 veciños
de Ordes fan uso deste servizo de
Xesús Pedreira: “No noso municipio hai algo máis dun milleiro de usuarios potenciais do 065”
O PSOE de Ordes presentará unha moción na sesión
plenaria do vindeiro xoves 28 de novembro para instar á Consellería de Traballo
e Benestar a que siga subvencionando o Servizo Galego de Apoio á Mobilidade
Persoal, o coñecido 065, que permite o traslado diario ou semanal dos
dependentes aos centros asistenciais para recibir terapias de rehabilitación
que faciliten a súa inserción.
Un servizo cuxa continuidade está en entredito,
logo de que esta mesma semana se coñecese o borrador dun decreto da Xunta que
contempla a súa intención de deixar de subvencionar estes traslados e só
mantelos en casos puntuais (como ir ao médico) e cun tope de dez viaxes ao mes
(que na práctica tan só son cinco viaxes, pois ida e volta contan como dous).
Por iso, os socialistas ordenses buscarán o apoio de todos os grupos municipais para instar á conselleira de Traballo e Benestar, Beatriz Mato, a seguir subvencionando este servizo nas mesmas condicións que está na actualidade.
Na actualidade en Ordes están dispoñibles dous vehículos, que realizan un percorrido medio de 10.000 quilómetros ao mes, o que dá unha idea do alto nivel de utilización que ten este servizo.
 |
| Xesús Pedreira (PSOE). |
“Este novo recorte nas prestacións sanitarias por parte do Goberno
do PP afectaría moi negativamente aos 52 veciños e veciñas de Ordes que fan uso
a diario deste servizo na actualidade”
“En Ordes hai algo máis dun milleiro de usuarios potenciais do 065, dos que 52
deles fan uso a diario deste servizo e tan só trinta persoas podían facer o
percorrido de xeito gratuíto, ao ingresar menos de 400 euros”
*
