 |
| O proxecto está participado pola ONCE a a Asociación Alquimmia Inline. |
Consiste na posta en marcha dunha terapia a
través da patinaxe
Onte tivo a lugar a primeira sesión con
membros da ONCE e da Asociación Deportiva e Cultural Alquimia Inline no pavillón
Castelao
O Concello de
Ordes perfílase como candidato para acoller unha nova iniciativa de integración,
aprendizaxe e mellora na calidade de vida, na que as persoas invidentes ou que
presentan algunha diversidade funcional na vista son os principias
protagonistas. Uns obxetivos que se esperan alcanzar mediante á práctica de
deporte, concretamente da patinaxe en liña.
Trátase dun proxecto pioneiro en
toda España e que a concellería de Diversidade Funcional do municipio, Lucía Iglesias, estaría
disposta a apoiar dentro das súas posibilidades, contando tamén co esforzo da
ONCE e da Asociación Deportiva e Cultural Alquimia Inline.
Onte á mañá, o pavillón Castelao albergou unha
primeira xornada de traballo co fin de ter unha primeira toma de contacto. Unha
sesión na que Fernando Pardo, Silvia González e Natalia Naya, membros de
Alquimia Inline analizaron o comportamento e a resposta de Tito Villar e Felipe
Cotelo, afiliados á ONCE e cun acentuado problema de visión.
“Unha vez que pos os patíns resulta
difícil poder plasmar na pista toda a información previa que recibimos, á par
que tratamos de movernos sos. Pero pouco a pouco imos avanzando“, comenta
Felipe Cotelo e que ratifica o seu compañeiro Tito. Éste destaca “a sensación
de equilibrio, o seu desenvolvemento e a percepción dos seus límites en canto
te pos sobre unhas rodas. Sei que isto valerame para o tema da miña posición
corporal e a miña motricidade, ademais de ser unha actividade moi positiva dende
o punto de vista socializador”.
 |
| Lucía Iglesias. |
“É de gran importancia de levar a cabo iniciativas deste tipo
orientadas a quen máis o precisan”.
“De desenvolverse en Ordes este proxecto as portas estarán abertas para
usuarios de calquera punto xeográfico”
"Apostamos por poder alcanzar
niveles de integración e de mellora a través de actividades novedosas, lúdicas,
divertidas e distendidas para quen as realiza, sempre tendo en conta a
importancia dos resultados"
"A todo isto no caso de Ordes hai que engadir unhas
boas infraestructuras para poder levar a cabo este proxecto, ó contar con
polideportivos e pistas que xa teñen albergado campionatos nacionais de hoquei.
Todo elo debido á aficción e bo nivel que temos nesta disciplina deportiva grazas
a equipos que militan en primeira división da liga galega, como é o caso do
A.C. Órdenes”
*
