 |
| Estado actual da antiga Casa do Concello de Ordes e do edificio anexo. |
Castro califica de "caótica, irresponsábel e improvisada" a reforma da Casa do Concello
O portavoz municipal do BNG de Ordes,
Gonzalo Castro, anunciou hoxe que os nacionalistas ordenses levarán unha moción ao
vindeiro pleno para, segundo informan, dar un xiro de 180 grados á xestión que está a facer o
alcalde coas obras de remodelación da Casa Consistorial.
Gonzalo Castro criticou duramente a
xestión do alcalde en todo o relacionado coa remodelación da Casa Consistorial,
que calificou de “caótica,
irresponsábel e improvisada”, o portavoz nacionalista xustificou esta
valoración afirmando que “primeiro
construese un edificio anexo con escasa funcionalidade, onde se ubicaron os
servizos administrativos do Concello e agora no colmo dos despropósitos
preténdese destinar a totalidade do edificio da antiga Casa Consitorial a salón
de plenos e despachos do alcalde e dos grupos políticos”.
O portavoz do BNG afirmou que “a propia denominación que utiliza o alcalde
para referirse ao seu proxecto con respecto á antiga Casa Consistorial cando
fala da creación dunha “zona noble do Concello”, demostra ben que hai tempo que
perdeu o sentido común e que o que pretende é facer un mausoleo para o seu
propio desfrute e privilexio a costa do diñeiro de todos os veciños”.
 |
| Gonzalo Castro. |
As frases de Gonzalo Castro, portavoz municipal do BNG de Ordes
"Destinar todo un edificio público a salón de plenos e despachos dos cargos públicos constitue un luxo asiático alleo ás necesidades dos veciños, toda unha mostra do despotismo do alcalde”
“No vindeiro pleno proporemos volver a
instalar os servizos administrativos municipais na antiga Casa Consistorial e
instalar no novo edificio anexo un centro de promoción económica e viveiro de
empresas, que poida dar alternativas aos máis de 1.200 desempregados de Ordes”
“Estes aires de grandeza e prepotencia do alcalde xa teñen costado máis de 1,5 millóns de euros e teñen hipotecado aos veciños cun crédito de 700.000 euros para dar satisfacción ao seu ego persoal”.
*
