viernes, 5 de julio de 2013

O PSOE de Ordes defenderá fronte á Xunta ás escolas unitarias de Beán e Buscás

Aula do CEIP Igrexa, en Beán.
Os pais e nais das parroquias afectadas organizan unha recollida de sinaturas para que os centros de ensino non pechen

A Consellería de Educación establece en seis o número mínimo de alumnos por escola

O Partido Socialista de Ordes esixiu hoxe que non se pechen as escolas unitarias de Beán e Buscás, que considera como unha parte fundamental para a dinamización do medio rural. Dúas escolas que están en risco de peche segundo manifestan os despois de que a Consellería de Educación decidise aumentar a ratio mínima de alumnos matriculados por centro.
  

Diante desta situación, os pais e nais das parroquias afectadas organizaron unha recollida de sinaturas para o mantemento das unitarias, que presentaron no Concello de Ordes para que as entregue na Xefatura Territorial de Educación na Coruña. 

Moción do pleno
O PSOE de Ordes xa lles manifestou todo o seu apoio aos pais e nais afectados por esta "inxusta medida" e comprometeuse a presentar na próxima sesión plenaria do 23 de xullo unha moción en defensa do mantemento das escolas unitarias de Buscás e de Beán, “na que agardamos contar co apoio de todos os grupos municipais diante do recorte que está a facer o Goberno do PP en servizos básicos como a educación”, segundo apunta o seu voceiro, Xesús Pedreira

Xesús Pedreira (PSOE).
As frases de Xesús Pedreira, secretario xeral do PSOE de Ordes 
“A escola unitaria de Uzás, en Buscás, conta para o curso 2013-2014 con cinco alumnos matriculados, que era o mínimo esixido pola Consellería de Educación para manter aberta unha escola unitaria"

"Agora atopámonos con que a Xunta di que o mínimo son seis rapaces e pon en dúbida a continuidade da unitaria”. 

"No caso de Buscás, é especialmente grave xa que non só se cumpre a ratio mínima, senón que se conta xa co compromiso de tres novos alumnos para o curso 2014-2015"

*