Participaron máis dun cento de novos atletas, dende categoría infantil a veteráns
O alcalde de Ordes, Manuel Regos, acompañado polos concelleiros de Deportes de Ordes e Cerceda, Roberto Iglesias e Sanchís, respectivamente, clausurou este pasado domino o III Campus de Atletismo Concello de Ordes coa entrega de medallas e trofeos aos participantes.
Nesta ocasión
contouse coa participación de preto dun cento atletas dende a categoría infantil a veteráns.
Carreiras de velocidade, nas que se incluíron circuítos con
e sen obstáculos, xogos multiatléticos, probas de xavelina, disco, martelo,
peso, saltos de lonxitude e altura, carreiras de resistencia e de relevos, ou probas
de multilanzamento, foron algunhas das modalidades que se practicaron nestes
últimos tres días.
Cadro técnico
O cadro técnico para este ano estivo encabezado por José
Domínguez, adestrador nacional de atletismo e licenciado en Educación Física, do clube de atletismo A Silva; Sandra Don,
Julio Santiago Freijanes, Ana Domínguez, Irene Mallo ou Marín Liste, recente
campión nacional de lanzamento de disco.
*
