O Partido Popular instou hoxe ao
alcalde de Ordes a reconsiderar a orde do día do Pleno extraordinario convocado
para o vindeiro venres no que pretende aprobar, "aproveitándose de que un
concelleiro popular aínda non puido tomar posesión". os orzamentos de 2012.
O portavoz municipal do Partido
Popular de Ordes, José Luis Martínez Sanjurjo, advirte que, de consumarse este
anuncio, "o alcalde de Ordes pasará á historia como un covarde político, como un
alcalde pusilánime, que é incapaz de enfrontarse co día a día derivado da
minoría coa que goberna".
Manuel Regos, aseguran dende o PP, "tratará de sacar adiante
as contas municipais, pero tamén unha suba xeneralizada das taxas para o 2013 e
a extensión da ORA de maneira antidemocrática, e mediante un pleno
extraordinario".
 |
| Martínez Sanjurjo (PP). |
ORA
Logo da "situación de bancarrota
na que a xestión de Regos sumiu ao Concello de Ordes", aseguran os populares, "o alcalde pretende remendar a situación cunha
suba xeneralizada de todas as taxas municipais, desde o imposto de bens
inmobles, a recollida de lixo, a subministración de auga, sumidoiros, licenzas
de taxi ou o imposto de circulación de vehículos, entre outros".
O Partido Popular amosa o seu
rexeitamento a esta subida de impostos, na medida en que o alcalde "pretende
trasladar a todos os veciños o pagamento das facturas que xenerou como consecuencia
dunha xestión irresponsable".
O Partido Popular non comparte
a extensión masiva da zona ORA ás rúas do centro da vila que o Concello
pretende implantar "baseándose nunha solicitude formulada por doce veciños para
unha rúa concreta". Oculta o alcalde, sempre segundo o PP, que fronte a doce veciños que
pediron ampliar a zona azul, o Concello recibiu tamén medio cento de sinaturas opoñéndose
a esta medida.
O Partido Popular tamén asegura "non ter problema" en "mudar a expresión covarde por pusilánime, que segundo a RAE é 'alguén falto de ánimo e valor para tolerar as desgrazas ou para intentar cousas grandes”, definición
que segundo o PP, "tamén describe perfectamente o xeito de actuar do alcalde de Ordes e do
equipo que o rodea".
*
