O
BNG rexeitou a proposta de aprobación de Orzamentos para o 2012, que o goberno
levou hoxe á Comisión de Contas e Facenda
O Goberno municipal aproba a ampliación da ORA coa oposición dos nacionalistas
Gonzalo Castro, portavoz
municipal do BNG de Ordes, acusou hoxe ao alcalde, Manuel Regos, de levar os
Orzamentos municipais á Comisión de Contas e Facenda do Concello de Ordes, para o seu
dictame inicial, "ocultando a maioría da información sobre os mesmos".
O portavoz do BNG de Ordes manifestou que “na
Comisión de Contas celebrada no día de hoxe, o Goberno
municipal ocultou a maioría da información relacionada cos Orzamentos
Municipais que pretenden aprobar en Pleno, o que motivou o voto en contra do
BNG ao ditame favorábel aos mesmos”.
Castro salientou que “na documentación facilitada
aos concelleiros para o ditame do proxecto de Orzamentos Municipais para o 2012
pola Comisión de Contas, faltaba o anexo de persoal do Concello, o anexo de
investimentos, o informe económico-financiero ou o orzamento da radio municipal, entre outra moita documentación”.
O portavoz nacionalista
criticou duramente a actitude do alcalde de Ordes por “pretender ocultar o
contido dos Orzamentos aos concelleiros da Corporación Municipal” o que, a
xuizo do portavoz do BNG, “xa constitue o colmo dos despropósitos, despois de
levar a aprobación dos Orzamentos de 2012 con máis de medio ano de retraso, nun
exemplo da paralise deste goberno municipal”.
Ampliación da ORA
O BNG opuxose na Comisión de Urbanismo ao ditame
favorábel á ampliación das zonas de regulación do aparcamento ORA, proposta
polo Goberno municipal de Ordes e que afectaría a cinco rúas máis da vila de Ordes
(Rúa Nova, Compostela, Canteira,
República Arxentina e Mercado), ademáis da ampliación da ORA en rúas
como a do Recreo, até o cruce coa rúa Reverencia.
Para o portavoz do BNG de Ordes, Gonzalo
Castro, “esta medida é absolutamente desproporcionada e inxusta e só obedece a
un afán recadatorio do alcalde, que pretende facer recaer sobre os veciños o
resultado da súa nefasta xestión económica”.
Castro calificou “de
falsas as manifestacións do alcalde nas que afirmou que foran os veciños quenes
pediron a ampliación da zona ORA” e emprazouno a “amosar públicamente as
peticións dos veciños solicitando a ampliación da zona ORA”.
*
