O Goberno municipal retira a ampliación da zona ORA na vila
Pedreira: "Estes orzamentos inclúen gran parte das nosas aportacións a pesar de estar baixo a lupa de Madrid"
O portavoz municipal socialista de Ordes, Xesús
Pedreira, confirmou na sesión plenaria celebrada esta mañá o seu apoio aos
orzamentos municipais do Concello de Ordes para 2012, que foron aprobados cos
votos a favor de UXO e PSOE, os votos en contra do BNG e as ausencias de PP e
Cidega. Pedreira Mirás defendeu o sentido do seu voto afirmando que “responde á
responsabilidade dos socialistas cos veciños de Ordes, xa que o Grupo de
Goberno aceptou gran parte nas nosas aportacións aos orzamentos a pesar de que
o Concello de Ordes está baixo a lupa, ou case que en liberdade vixiada por
parte do Goberno dende que se aprobou o Plan de Axuste”.
Xesús Pedreira considera que “os socialistas somos
responsables e consecuentes, non como outros grupos municipais non teñen a
mesma actitude responsable de mirar polo benestar dos veciños e veciñas de
Ordes”. Así, lembra que “grazas ás nosas negociacións, os orzamentos de 2012
inclúen incrementos nas partidas destinadas a educación, benestar social,
emprego e medioambiente”.
Propostas socialistas
Así, os orzamentos recollen as propostas dos
socialistas de Ordes para incrementar nn 6,4% a partida destinada a educación;
un 11,8% nas partidas destinadas a emprego e servizos sociais; e 100.000 euros
máis para obras relacionadas coa mellora do medioambiente (creación de pozos
no rural, recuperar fontes e lavadorios ou limpeza de ríos).
Ademais, tamén se
aceptaron reducir en preto dun 50% a cifra destinada a festexos e destinar as
rebaixas efectivas das aportacións ás entidades deportivas sexan destinadas a
rematar as pistas polideportivas de Ordes e mesmo á creación dunha cancha de
tenis. Xesús Pedreira amosa a súa confianza en que “todo o que negociamos para
mellorar a calidade de vida dos veciños de Ordes saia adiante”
Zona ORA
Por outra banda, os socialistas amosaron a súa
oposición á proposta de incrementar as zonas de ORA en Ordes, proposta que
finalmente quedou enriba da mesa. Ademais, apoiaron as ordenanzas fiscais “xa
que o incremento non é superior ao IPC e se contemplou que en casos especiais
se podería facer unha discriminación positiva”, sinala Xesús Pedreira.
Finalmente, os socialistas abstivéronse na cuestión da praza, agardando que se
poida chegar a un acordo final, e apoiaron a cesión na Deputación do cobro dos
vados.
*
