A proba terá lugar o domingo 9 de xuño e as inscricións deberán formalizarse na Casa do Concello ou no teléfono 981 680002
Colaboran: La Caixa, Gadis, Nutrexpa, Carnicería Enrique, Eurofrut, Cruz Vermella Ordes, Coca-Cola, Feiraco, Reale Seguros, Jaime Castro Asesoría e Seguros
O Concello de
Ordes manterá aberto ata o vindeiro mércores 5 de xuño o prazo de inscrición
para poder participar na súa XVIII Carreira Popular. Unha proba que se
disputará o vindeiro domingo 9 de xuño e na que cada ano se congregan a
milleiros de persoas chegados de toda Galicia entre atletas profesionais e afeccionados
de todas as idades a partir dos 0 anos.
Para apuntarse basta con achegarse
ata o Departamento de Cultura e Deporte, ubicado no primeiro andar da Casa do Concello ou ben chamar ao teléfono 981 680002. Os corredores da categoría
absoluta deberán facelo a través da páxina www.championchipnorte.com.
Este ano a organización entregará trofeos
aos tres primeiros clasificados de cada modalidade nas categorías masculina e
feminina, así como aos tres primeiros clasificados do Concello. Tamén recibirán
premio os máis novos e os máis veteráns de cada proba.
Como cada ano haberá
premios en metálico destinados á carreira absoluta (xuvenil, junior, promesa,
senior e veteráns), que nesta ocasión serán de 150, 80 e 50 euros para os
corredores individuais. No caso de clubes federados e grupos do municipio a
cuantía será de 150, 100 e 50 euros.
Nesta cita deportiva o Concello de Ordes,
organizador desta proba, conta coa colaboración de La Caixa, Gadis, Nutrexpa,
Carnicería Enrique, Eurofrut, Cruz Vermella Ordes, Coca-Cola, Feiraco, Reale
Seguros, Jaime Castro Asesoría e Seguros.
*
