Menú cinco estrelas para os alumnos de cociña de Ordes

Finalizou o curso de perfeccionamento de cociña do Concello de Ordes

O curso de perfeccionamento de cociña organizado polo Concello de Ordes chegou ao seu remate. E para celebralo e poñer en práctica todo o aprendido ao longo dos últimos meses que mellor que organizar unha boa cea na que, lóxicamente, elaboraron pratos propios. 

Degustación

Carnes e peixes, entrantes variados e moito máis foi o que se degustou no último día tanto polos alumnos e alumnas como por Manuel Vieites, profesor e mestre de cociña. 

Ante o éxito acadado nesta última convocatoria dende o Concello xa se estuda a posibilidade de realizar un novo curso similar.

*