O alcalde asegurou que "agora que chega a época de verán e o bo tempo queremos ter en perfectas condicións estas áreas e traxectos para os nosos veciños e visitantes"
O alcalde de Ordes, Manuel Regos, xunto á tenente de alcalde, Silvia Marín e o concelleiro de
Medio Ambiente, Luis Gómez Candal, realizou recentemente
un percorrido a pé polo roteiro do río Mercurín coincidindo co Día Mundial do Medio Ambiente. Todos
eles quixeron comprobar de primeira man o estado e a sinalización deste espazo.
Trátase da primeira visita que os membros do equipo do Goberno local teñen previstas polos distintos roteiros que transcorren polo termo municipal.
O obxetivo destas camiñatas é o de comprobar de primeira man aquelas deficiencias en aspectos como as sinalizacións ou trazados que poidan ser melloradas ou correxidas.
 |
| Manuel Regos, alcalde de Ordes. |
As frases de Manuel Regos, alcalde de Ordes
“O roteiro do río Mercurín que xa se ten convertido nunha das áreas de lecer máis importantes para os
veciños e veciñas de Ordes"
"Trátase dun claro exemplo de recuperación e
rexeneración dun espazo natural que revaloriza tanto a vila como a política
mediambiental emprendida por este Concello, que nos ten levado a acadar unha
Bandeira Verde pola boa xestión dos residuos e no consumo de auga”
“Queremos que agora que chega
a época de verán e o bo tempo teñamos en perfectas condicións estas áreas e traxectos
para que poidan ser desfrutados e contemplados tanto polos nosos veciños como
polos visitantes”
*
