A 'Noite de Tasca' dos Viqueiras encheu Ordes de música e alegría

As 'Noites de Tasca' dos Viqueiras de Ordes celebraron o seu quinto aniversario.

Co gallo da celebración do quinto aniversario do evento folclórico popular

Coa colaboración da Mancomunidade e Concello de Ordes, Fotos Sonia, Esymar Artes Gráficas Agrupación Folclórico Cultural Sementes da Arte e Museo do Traxe Juanjo Linares 

O quinto aniversario das Noites de Tasca, evento organizado e promovido polo grupo de gaitas Os Viqueiras de Ordes, encheu de sons tradicionais a noite do venres na vila de Ordes. Máis de vinte agrupacións repartíronse polos bares e establecementos da zona para ofrecer improvisados concertos.

O artesán de gaitas e frautas galegas Oli Xiráldez.

Obradoiros

Ás 19:00 horas arrancou a gran festa na Alameda onde tivo lugar un obradoiro de baile galego impartido por Helena Noya e Rocío López, mestras da Asociación Cultural Camiño Real de Poulo. 

Alí mesmo tamén tivo lugar outro obradoiro de enredos sonoros, que contou coa colaboración de Oli Xiráldez, artesán de gaitas e frautas galegas. Nenos, nenas e adultos tiveron a ocasión de aprender cómo se fabrican elementos musicais e partes de instrumentos tradicionais como as palletas das gaitas, sempre empreñando elementos nobres como madeira e cañas.

Día internacional da danza

     Xa ás 20:00 horas e diante do Museo do Traxe leváronse a cabo varios actos en relación co Día internacional da danza, cuxa data de conmemoración foi o pasado 26 de abril, e que debido ás condicións meteorolóxicas non se poideron levar a celebrar. 

Un ensaio libre dos grupos Sementes da Arte e Os Viqueiras, e a lectura dun manifesto en relación coa arte do baile e da danza foron os actividades máis destacadas deste encontro.

Participantes

 Pero foi a partir das 21.30 horas cando veciños, veciñas e aleccionados aos son tradicionais se botaron ás rúas de Ordes para desfrutar e moverse ao ritmo dos máis de vinte grupos que participaron nesta celebración. 

‘Os Pelexos de Montaos’, ‘A.C. Camiño Real de Poulo’, ‘Sarillo de Aiazo’ (Frades), ‘A. C. Camiño Real de Poulo’ (Ordes), ‘San Martiño’ (Cerceda), ‘Xentiña’ (Trazo), ‘Caivanca’ (Lugo), ‘Escla de Müsica Tradicional de Mesía’, ‘A. C. Rosalía de Castro’ (Cacheiras), ‘Espadana Gaiteiros’ (A Coruña), ‘Sementes da Arte (Ordes), ‘Trouleiros de Lesta’ (Ordes), ‘Manuel Viqueira e O Freixo das Pontes’, ‘Escola de Música Tradicional Xurde e A.C. Xacarandaina’ (A Coruña), ‘Embrixo de leira’ (Ordes), ‘Os Viqueiras de Ordes e as Pandereteiras de Rodís’, ‘Buxos Verdes de Senra’ (Oroso), ‘Os Cincuenta dos Armadanzas de Laraño’ (Santiago), ‘Leirabuxo Gaiteiros’ (Melide) e ‘Pandereteiras Somos Nós’ (Ordes), foron os nomes que este ano figuraron no cartel.  

Pasada a media noite todos eles congregáronse na cervexería Islia, onde se puxo punto e final a tantas horas de leria cunha gran foliada que perdurou ata ben entrada a madrugada.

Colaboradores

Colaborando para cos organizadores neste evento estiveron a Mancomunidade de Municipios da Comarca de Ordes, o Concello de Ordes, Fotos Sonia, Esymar Artes Gráficas, a Agrupación Folclórico Cultural Sementes da Arte e o Museo do Traxe Juanjo Linares.

*