 |
| Tramo da N-550 ao seu paso por Guindiboo. |
Ramiro Recouso: "As liñas e trazos discontínuos están case borrados, ou non destacan tanto como a liña continua"
O BNG de Ordes instou hoxe ao alcalde de Ordes, Manuel Regos, para que esixa da Demarcación de Estradas de
Galicia o repintado das liñas e os trazos descontinuos que permitan os cambios
de dirección da circulación vial.
O portavoz municipal do BNG de Ordes, Ramiro Recouso, presentou un rogo no pasado pleno da
Corporación, referente a esta problemática.
Segundo os nacionalistas, desde hai unhas
semanas estase procedendo ao repintado da sinalización horizontal na N-550 ao
seu paso por Ordes.
Estanse pintando novas isletas de desviación
ou acceso a esta estrada, así como o repintado das liñas continuas, deixando
sen repintar os tramos de liña discontinua.
Liñas discontínuas
Ao non ser repintadas, aseguran dende o BNG, as liñas discontinuas están case borradas, ou non
destacan tanto como a liña continua.
Esto supón que nos tramos onde coinciden
as dúas coma poden ser zonas de adiantamento ou de cambio de sentido cara a esquerda, os
condutores teñan dúbidas de si se pode facer a manobra, ademais que se xenera
confusión coa sinalización vertical.
Así, e sempre segundo o BNG de Ordes, os usuarios da vía temen ser sancionados pola Garda Civil de Tráfico, moi frecuente
na zona, polo que desde o BNG de Ordes se solicita que de xeito urxente se
pinte ou repinte debidamente a sinalización horizontal da N550.
*
