 |
| Momento da presentación da sede electrónica do Concello de Ordes o pasado martes 9 de abril. |
Manuel Regos: “O Concello ponse a disposición dos cidadáns coas súas portas abertas tódolos días do ano e sen horarios”
O pasado martes presentouse oficialmente a nova sede electrónica municipal do
Concello de Ordes, https://sede.concellodeordes.es. Un acto que estivo presidido polo
alcalde Manuel Regos, que estivo acompañado pola súa tenente alcalde, Silvia
Marín ademais dos edis de Deporte e Cultura e Medio Ambiente, Ramón Vázquez e
Luis Candal, respectivamente.
No acto, que tivo lugar no salón de plenos municipal situado nos
baixos da Alameda, Regos presentou a nova web facendo un percorrido
pormenorizado polos distintos enlaces desta plataforma e explicando todos os
trámites que dende ella se poden xestionar.
Administración electrónica
Así xa é posible que os cidadáns
realicen de forma segura, rapida e sinxela, xestións a través de internet. Dase
así un paso máis cara a unha administración electrónica propia deste tempo,
apostando pola coñecida popularmente como ‘administración sen papel’.
“Ponse a disposición dos cidadáns un Concello coas portas abertas tódolos días
do ano e sen horarios”, tal e como expresou esta mañá Manuel Regos.
Os cidadáns, accedendo mediante
o seu DNI ou certificado electrónico, poderán dispoñer dunha serie de servizos
personalizados. Entre eles figuran a consulta do estado dun trámite ou de
expedientes, obter o seu volante de empadroamento, ou ben realizar trámites
telemáticos regulados ou presentar instancias e solicitudes.
*
