O pleno da
Mancomunidade de Municipios da Comarca de Ordes acordou esta semana instar ao
Ministerio de Fomento a mellora inmediata e reparación da estrada N 550 no
traxecto que transcorre polos concellos de Ordes, Oroso e Santiago de
Compostela.
Unha mellora que require nunha nova capa de aglomerado asfáltico, una
nova sinalización e o acondicionamiento dos camiños de servicio, xa que se
trata dun vial que leva máis de vinte anos
coa mesma capa de rodadura.
Comedores escolares
A Mancomunidade de Municipios da comarca de Ordes tamén lle solicitará á
Xunta de Galicia o replantexamento do incremento nas taxas polo uso dos
comedores escolares. Os concellos integrantes advirten que “son
as políticas que garanten a gratuidade dos servizos públicos destinados aos
fillos as que poden contribuir a afrontar o reto demográfico que presenta
Galicia neste momento”.
Como alternativas ás tasas como fonte de ingresos
“apóstase polos impostos, ou do contrario poranse aínda máis trabas a aqueles
que están en idade de ter fillos para tomar a decisión de telos”, aseguran .
Preferentes e subordinadas
Neste pleno ordinario
de abril tamén se acordou amosar a solidariedade e apoio aos afectados polas
participacións preferentes e obrigas subordinadas, e evitar o peche das oficinas
nos concellos da Mancomunidade. Cada un dos dirixentes locais solicita mediante
esta moción a esixencia de que todos eles recuperen o antes posible os aforros
dos que son lexítimos propietarios.
Por elo ínstaselle á Xunta de Galicia e á Federación Galega de Municipios
(FEGAMP) para que se dirixan ante os organismo e autoridades políticas e
monetarias competentes para que se adopten solucións efectivas.
Tamén se demanda o mantemento,
reforzamento e axilización do sistema de arbitraxe de xeito xenérico, así como
unha contestación afirmativa a todos os solicitantes considerados aforradores.
Á par solicítaselle á entidade Novagalicia Banco que maximice e axilice as aceptacións de
arbitraxe.
*
