Terán lugar no auditorio
do Museo do Traxe Juanjo Linares
As III Xornadas ‘A discapacidade
hoxe’, que nos últimos anos ven organizando o Concello de Ordes xa teñen data
de celebración. Será o vindeiro sábado 28 de abril e englobaranse dentro
da xornada adicada á diversidade
funcional que se desenvolverán na feira multisectorial e de maquinaria agrícola
Expo Ordes 2012.
Dende as 10:00 ata a 13.30 horas, e novamente dende as 16:00 ata as 19:00 horas,
directivos, responsables e presidentes das principais asociacións e
organizacións que atenden distintas discapacidades estarán no auditorio do
Museo do Traxe Juanjo Linares. Neste escenario levaranse a cabo todas as
charlas, ponencias e coloquios que serán de balde para os interesados e
interesadas e nas que poderán participar plantexando as súas dúbidas e
suxestións.
Manuel Regos e Lucía Iglesias, alcalde e concelleira de Diversidade Funcional do Concello de Ordes respectivamente, serán os encargados de abrir
estas xornadas. A continuación Feliciano Sola, presidente de FAXPG, ofrecerá a
ponencia ‘As perxoas sordas podemos e queremos’. Ás 11:00 horas será o turno de
Loli Venancio, delegada-presidenta da ONCE en Galicia, coa súa charla
‘Barreiras mentais’. Xa ás 11.45 horas falará Francisco Abuín, responsable de
formación de COGAMI quen lle cederá o testigo a partir das 12.30 horas a Eladio
Pérez, presidente de FADEMGA.
Clausura
Tras unha pausa para xantar volverase a retomar o programa a coa
intervencvión de ADISCORDES e ASEM. Neste caso a poñente será Tahis Pousada,
terapeuta e profesora de terapia
ocupacional na Escola de Ciencias e Saúde da Coruña. A continuación falarán
Xosé Ramón Girón, presidente de FEAFES; Juan Martínez, presidente de Down
Compostela e Cipriano Luis Jiménez, vicepresidente da Federación de autismo.
A clausura destas III Xornadas ‘A discapacidade hoxe’ está prevista para
as 19:00 horas e novamente correrá a cargo do alcalde de Ordes e da concelleira de
Diversidade Funcional.
*
*
