Ensaio en aberto da
agrupación polifónica e cultural Sementes da Arte e do grupo de gaitas Os
Viqueiras
Co gallo do Día Internacional da Danza o próximo venres 27 de abril, o Campo da Feira de Ordes acollerá a
actuación especial da agrupación polifónica Sementes da Arte e do grupo de gaitas Os
Viqueiras de Ordes. Será a partir das 19:30 horas cando se leve a cabo un
ensaio en aberto.
O punto de encontro será a explanada situada na entrada principal do
Museo do Traxe Juanjo Linares. A Xota de Ordes, Muiñeira de Ordes, Muiñeira de Xanceda, Danza do ramo ou Danza de Santa María, serán
algunhas das pezas das que poderán disfrutar.
Tamén está prevista a lectura dun manifesto sobre o baile e a danza
distribuído pola Federación Española de Agrupacións de Folclore, e asinado polo
coreógrafo Akram Khan e por Alkis Raftis, presidente do Consello
Internacional da Danza .
Entre outros aspectos o texto exalta a importancia da danza como elemento
comunicador e de linguaxe universal, así coma a súa capacidade de
transformación e de unión.
Unesco
O Día Internacional da Danza ven celebrándose todos os 29 de abril dende
o ano 1982. Foi establecido polo Comité de Danza do Instituto Internacional do
teatro da Unesco, co obxetivo de atraer a atención do público sobre esta arte.
Este encontro de danza está organizado por Sementes do Arte, Os Viqueiras de Ordes e o Museo do Traxe Juanjo Liñares, coa colaboración do Concello de Ordes.
*
