O portavoz municipal do BNG de Ordes acusa á Xunta de Galicia e ao Concello de non querer asumir as decisión importantes "e moitas veces impopulares" que conleva aprobar o PXOM
O portavoz do BNG de Ordes, Gonzalo Castro, acusou hoxe ao alcalde de Ordes e
ao goberno da Xunta de Galicia de “retrasar deliberadamente e por intereses partidistas a
tramitación do PXOM, como o demostra a ausencia de colaboración entre o goberno
municipal e o goberno da Xunta na tramitación do PXOM de Ordes”
O portavoz dos nacionalistas puxo como exemplo desta falta de
colaboración que “o goberno municipal acaba de remitir á Xunta un documento de
PXOM incompleto e con deficiencias, de forma deliberada, xa que non se
incluiron as modificacións incluidas nos últimos anos polas concentracións
parcelarias de Ordes, para o que sería necesaria a colaboración institucional
entre o goberno municipal e o goberno da Xunta, algo que non se produciu porque
nin ao alcalde nin ao PP lles interesa acelerar a tramitación do PXOM,
antepoñendo os seus intereses partidistas aos intereses dos veciños de Ordes”.
"Mareando a perdíz"
Castro informou de que “o goberno municipal e o goberno da Xunta están
mareando a perdíz e pasándose a pelota uns aos outros para evitar que o PXOM
sexa unha realidade neste mandato, como o demostra o feito de que o goberno da
Xunta, en lugar de intentar realizar actuacións conxuntas co goberno de Ordes
para resolver as deficiencias do avance do PXOM remitido polo goberno
municipal, en materias da súa competencia, como a nova delimitación nacida das
parcelarias, simplemente ten devolto o documento ao Concello, sen máis
explicacións”.
Esta situación, segundo o portavoz nacionalista, “ten provocado que, unha
vez máis, a tramitación do PXOM se atope paralizada, debido á actitude de ambos
gobernos, o municipal e o da Xunta”
O portavoz do BNG salientou que “o alcalde e o PP o único que están a
facer é engañar aos veciños e veciñas de Ordes, retrasando deliberadamente a
tramitación do PXOM, porque nin o goberno municipal nin o goberno da Xunta
queren asumir as decisións importantes, e moitas veces impopulares, que conleva
aprobar un PXOM”.
Gonzalo Castro acusou de ao alcalde e ao PP de “irresponsabilidade
política, por retrasar por intereses partidistas a tramitación do PXOM,
hipotecando o futuro do pobo de Ordes, como levan feito durante máis de vinte anos”.
 |
| Gonzalo Castro Prado. |
Suxestións dos veciños
Gonzalo Castro tamén acusou ao alcalde de “non ter dado resposta ás
numerosas suxestións presentadas polos veciños de Ordes ao avance do PXOM,
mermando a participación da veciñanza nun instrumento moi importante para o
desenvolvemento non só urbanístico, senon incluso socioeconómico do concello de
Ordes”.
Segundo Castro, “esta actitude
do alcalde é intolerábel, e só obedece ao afán do alcalde por evitar a
participación dos veciños nun instrumento tan importante como o PXOM”
O portavoz municipal do BNG
anunciou que “o BNG informará aos
veciños do contido do PXOM e defenderá a aprobación dun PXOM que permita un
desenvolvemento urbanístico equilibrado, que fomente a creación de vivenda
protexida e que prime a calidade de vida dos veciños e veciñas de Ordes".
*
