O Concello de Ordes organiza o encontro este xoves nos baixos da Alameda
Englobado dentro do programa Faro
como medida preventiva no consumo de alcol entre a xuventude, o Concello de
Ordes celebrará unha charla informativa gratuíta o vindeiro xoves 19 de xullo
ás 11:00 horas. O lugar onde se desenvolverá esta cita será nos baixos da Alameda
situados na rúa Xoxardo, concretamente na aula de formación.
Os interesados en asistir poden
apuntarse previamente e reservar a súa praza dispoñen do teléfono 607642863 ou
ben poden facer uso do correo electrónico monica.gonzalez@ordes.dicoruna.es
Programa Faro
O programa Faro é unha iniciativa na
que traballan conxuntamente o Concello de Ordes, a Mancomunidade de Municipios
da Comarca de Ordes, a Deputación da Coruña, a Consellería de Sanidade, a
Secretaría Xeral de Igualdade e o Fondo Social Europeo. Trátase da terceira
edición que acontece no Concello de Ordes e a terceira fase desta última
convocatoria.
A primeira delas consistiu na orientación ás persoas afectadas e
ás súas familias sobre a realidade desta probelmática e adicción. En segundo
lugar celebráronse as Noites Psicoeducativas, especialmente deseñadas para a
mocidade e xuventude como colectivo de risco, e nas que se fomentou o uso axeitado
do tempo de lecer.
