 |
| Dosier dos orzamentos de Ordes para este ano. |
Gonzalo Castro: "O alcalde esquece os investimentos para paliar o drama do paro"
O portavoz municipal do BNG de
Ordes, Gonzalo Castro, anunciou hoxe que o seu grupo municipal votará en contra dos Orzamentos Municipais que serán debatidos mañá venres pola Corporación municipal do Concello de Ordes durante un pleno extraordinario.
Castro manifestou que “a
principal razón do voto negativo é a
inexistencia de medidas e investimentos para reactivar económicamente o
concello e intentar crear emprego”. O portavoz nacionalista afirmou que “o alcalde esquécese
totalmente da situación crítica que están a vivir os principais sectores
económicos do noso concello e non contempla nin un euro dos trece millóns do orzamento para apoialos”.
O portavoz do BNG tamén afirmou que “propostas
reiteradas polo BNG, como a creación dun viveiro de empresas ou o impulso e
promoción da praza de abastos non están presentes no Orzamento presentado polo Goberno municipal, cando poderían ser moi útiles para fomentar a creación de
emprego, reactivando sectores económicos moi importantes como o comercial e o
agrogandeiro”
Castro salientou que “o alcalde esquece nos
Orzamentos os investimentos para paliar o drama do desemprego, que xa afecta a
máis de 1.200 ordenses, mentres aumenta os gastos correntes e protocolarios en
máis de 2,5 millóns de euros” .
Taxas, impostos e talante democrático
Gonzalo Castro criticou a “suba de taxa e impostos que prevén estes Orzamentos e que afogarán as economías
das familias ordenses”
Finalmente, o portavoz nacionalista criticou a
actitude do alcalde, ao que acusou de “ausencia
de talante democrático, ao negarse a dialogar para chegar a acordos que
permitisen que Ordes tivese uns Orzamentos pensados para resolver os problemas
dos veciños e non en función dos intereses do alcalde e da súa rede
clientelar”.
*
