Xesús Pedreira, secretario local do PSdG-PSOE por unanimidade

Xesús Pedreira Mirás // Arq.

"Nós antepoñemos os veciños ao partido, e outros partidos en Ordes non poden dicir o mesmo", asegurou

Carmen Fernández Reboredo é a nova vicesecretaria xeral

A Agrupación Socialista de Ordes reelixiu onte por unanimidade a Xesús Pedreira Mirás como secretario xeral do PSdeG-PSOE ordense. Xesús Pedreira,quen xa fora elexido para o mesmo cargo en novembro do 2008, agradeceu a confianza amosada polos militantes socialistas e asegurou que “os socialistas de Ordes comportarémonos coa responsabilidade que nos caracteriza na busca do mellor para os veciños e veciñas de Ordes, xa que nós podemos dicir coa cabeza ben alta que nós antepoñemos as necesidades dos veciños aos intereses de partido; outros partidos en Ordes non poden dicir o mesmo”.

Executiva socialista local

Xesús Pedreira estará acompañado por Carmen Fernández Reboredo, como vicesecretaria xeral e de Relacións Institucionais; e Juan José Ballesteros Díaz, como secretario de Organización. Completan a nova executiva do PSdeG-PSOE de Ordes os seguintes:

-          Antonio Morán Ferreiro, vicesecretario de Organización e Benestar Social.

-          Carlos Pérez Casas, secretario de Administración e Finanzas.

-       Verónica Gómez Fuentes, secretaria de Economía e Emprego.

-          Javier Gómez García, secretario de Industria e Medioambiente.

-          Miriam Carballo Rodríguez, secretaria de Xuventude.

-          María del Carmen Arcos Antón, secretaria de Igualdade e Muller.

-          Carlos Souto Figueira, secretario de Deportes.

-          María Sol Monge Garabato, secretaria de Política Municipal.

-          Alejandro Manteira García, secretario de Novas Tecnoloxías.

-          Esther Figueroa Rodríguez, secretaria de Relacións Veciñais.

Quen é Xesús Pedreira?

Xesús Pedreira Mirás é natural de Ordes. Ten 58 anos e é diplomado en Enfermería. É especialista en Análisis Clínicos no CHUS de Santiago de Compostela, e presidente da Asociación Española de Enfermería (EAC). Foi presidente do Colexio de Enfermería da Coruña, é ademáis técnico superior en Prevención de Riscos Laborais e experto universitario en Xestión de Residuos pola Universidade de Cádiz. 

Dende 2007 a 2011 foi primeiro tenente de alcalde e concelleiro delegado de Medio Ambiente, Medio Rural e Sanidade do Concello de Ordes. Na actual lexislatura 2011-2015 é concelleiro e portavoz do PSdG-PSOE no Concello de Ordes. Está casado e ten dúas fillas.

*

Pachi Vázquez conta co ordense Enrique Negueruela na súa nova Executiva

Socialistas ordenses participantes no 12º Congreso Nacional do PSdG-PSOE celebrado onte en Santiago.

É experto en mercados laborais e ocupará a secretaría de Economía do PSdG-PSOE

O pasado 12º Congreso Nacional do PSdG-PSOE celebrado onte en Santiago de Compostela e que rematou coa victoria de Pachi Vázquez contou cunha nutrida representación ordense entre os que se encontraban, entre outros, o secretario xeral da Agrupación local, Xesús Pedreira, e os afiliados Carmen Fernández Reboredo, Javier Gómez García, Carlos Souto Figueira, José Lino Gómez, Carlos Pérez Casas, Miriam Carballo e Antonio Morán. Ademais, a nova Executiva socialista de Pachi Vázquez conta xa cun ordense, Enrique Negueruela, á fronte da secretaría de Economía do PSdG-PSOE.

Experto en traballo

Negueruela traballa na oficina do INEM de Ordes, e é experto en mercados laborais. Foi técnico de emprego en Comisión Obreiras e posteriormente asesor de Ricardo Varela durante a súa etapa como conselleiro de Traballo na Xunta de Galicia.

*

Os socialistas de Ordes levan a Pedreira, Carmen Fernández e Lino Gómez ao congreso de Santiago

A Agrupación local celebrou a pasada noite un cocido de Entroido con cerca dun centenar de convidados


O congreso do PSdG-PSOE terá lugar na capital de Galicia entre o 9 e o 11 de marzo

Os socialistas de Ordes celebraron esta noite o seu cocido de Entroido nun clima de gran fraternidade. Organizado pola Agrupación local do PSdG-PSOE de Ordes, a cea acolleu finalmente a perto dun centenar de persoas, entre dirixentes, afiliados e simpatizantes. Entre todos eles, o exministro de Xustiza, Francisco Caamaño, o presidente provincial do PSdG-PSOE e expresidente da Deputación de Coruña, Salvador Fernández Moreda, así como os secretarios de Organización dos socialistas galegos, Pablo García, e dos socialistas coruñeses, Emilio Rodríguez.

Momento da intervención do exministro de Xustiza, o ceense Francisco Caamaño.

Tamén o alcalde de Mesía, Mariano Iglesias Castro e o secretario xeral de Unións Agrarias, Roberto García, compartiron mesa no restaurante El Túnel. Como anfitrión exerceu o secretario da Agrupación local e concelleiro en Ordes, Xesús Pedreira Mirás.

O secretario xeral dos socialistas de Ordes, Xesús Pedreira, agradecendo aos convidados a súa presenza.

Congreso do PSdG-PSOE
O encontro de fraternidade serviu tamén para dar a coñecer a todos os presentes os nomes dos delegados escollidos pola Agrupación local do PSdG-PSOE de Ordes para asistir ao congreso galego do partido que terá lugar en Santiago de Compostela entre o 9 e o 11 de marzo próximo. Os socialistas de Ordes estarán representados por José Lino Gómez, Carmen Fernández e Xesús Pedreira. Tamén acudirán como observadores convidados Antonio Morán, Míriam Carballo, Carlos Pérez, Javier García e Carlos Souto.

*

Mitin do PSdG-PSOE o mércores no restaurante El Túnel

Os socialistas comezan a campaña 'pelexando' polo que ti queres

Xesús Pedreira dando comezo á campaña electoral do PSOE en Ordes.

Xesús Pedreira avanza os pilares no que se asentará o proxecto socialista: Educación pública, servizos sociais e sanidade 

Un grupo de dirixentes, afiliados e simpatizantes socialistas de Ordes participou esta noite ás 00:00 horas na tradicional pegada de carteis co que da comezo a campaña electoral.

Nun ambiente de ilusión e esperanza polo proxecto socialista que defende o seu candidato, Alfredo Rubalcaba, os socialistas aspiran nestas eleccións a lograr a maior representación posible para a provincia coruñesa en xeral e a comarca de Ordes en particular, no Congreso dos Deputados de Madrid.

O compromiso dos socialistas logo das eleccións, asegurou esta noite o secretario local do PSdG-PSOE, Xesús Pedreira, "será pleno coa educación pública, os servizos sociais e a sanidade que por xustiza lle corresponden aos nosos veciños e veciñas".

"Rubalcaba, sí" e "Pelexa polo que ti queres" son os dous lemas socialista nesta campaña electoral 2011.

As frases de Xesús Pedreira, secretario xeral da Agrupación Socialista de Ordes
"O voto socialista será, máís que nunca necesario para frear o brutal recorte de servizos sociais que dende o Partido Popular vense facendo nas Administracións públicas que dirixen, moi especialmente na Xunta de Galicia"

"Os ordenses necesitamos estar representados en Madrid do mellor xeito posible, e non hai ninguén mellor capacitado para iso que o socialista Fran Caamaño nunha lista na que tamén participa unha ordense, María del Carmen Fernández Reboredo"

*

A ordense María del Carmen Fernández Reboredo será a suplente terceira nas listas do PSOE

María del Carmen Fernández Reboredo durante o mitin central das pasadas eleccións de maio de 2011 á dereita do candidato socialista á alcaldía de Ordes, Xesús Pedreira.

Avogada e veciña de Guindiboo, xa participara como número dous da candidatura socialista de Xesús Pedreira

O PSdG-PSOE ven de pechar hoxe as súas listas electorais pola provincia da Coruña para as vindeiras eleccións lexislativas do 20 de novembro. Entre os escollidos, aparece o nome da ordense María del Carmen Fernández Reboredo. Veciña de Guindiboo, esta licenciada en Dereito traballa no xulgado número 3 de Lugo.


Nova oportunidade 

Fernández Reboredo xa participara nas pasadas eleccións locais de maio de 2011 como número dous da candidatura de Xesús Pedreira. Nesta nova oportunidade, a ordense ocupará as listas que encabeza o exministro de Xustiza, Francisco Caamaño, como a súa suplente terceira.

*

"Os socialistas fomos os que conseguimos máis de nove millóns de euros para os ordenses"

Xesús Pedreira presentou aos ordenses o seu proxecto socialista
A creación de emprego será a prioridade para o candidato

O secretario xeral do PSdeG-PSOE, Pachi Vázquez, e o secretario xeral da Agrupación Socialista de Ordes e candidato á Alcaldía, Xesús Pedreira, presentaron esta noite a candidatura socialista á Alcaldía de Ordes nas eleccións do vindeiro 22 de maio. Un acto no que Pedreira anunciou que a creación de emprego será a máxima prioridade dos socialistas ordenses para a vindeira lexislatura.

O xornalista Marcial Mouzo foi o conductor da presentación de Xesús Pedreira como candidato á alcaldía de Ordes.

“Ninguén ten unha variña máxima, pero os socialistas de Ordes nos comprometemos a que a nosa máxima prioridade será a creación de emprego, recurtando en gastos doutras partidas e potenciando os investimentos que xeren postos de traballo e melloren os servizos sociais aos veciños e veciñas de Ordes”, explicou Xesús Pedreira.

Momento da intervención do secretario xeral dos socialistas de Galicia, Pachi Vázquez

Para conseguilo, Pedreira presentou un por un aos compoñentes da candidatura socialista, que definiu como “un equipo moi importante, conformado por profesionais altamente cualificados que estarán preparados para asumir as áreas do Goberno de Ordes se así o deciden os veciños o 22 de maio”. “Traballo, esforzo, xestión e visión de futuro, iso é o que caracteriza a esta candidatura”, explicou o candidato socialista á Alcaldía de Ordes.

Podes ver o vídeo do acto facendo clic baixo estas liñas:


Compromisos
Xesús Pedreira aproveitou o acto para anunciar algúns dos eixos que conforman o seu programa electoral. “Seguiremos apostando polas parroquias e por levar cada vez máis actividades a elas”, explicou Pedreira Mirás, quen indicou que outra das fortes apostas dos socialistas ordenses será “conseguir un centro de día, onde os nosos maiores poidan estar perfectamente atendidos sen teren que deixar os seus fogares”.

Outro dos eixos da campaña socialista serán os mozos e mozas de Ordes. Neste sentido, Xesús Pedreira fixo un recoñecemento do labor realizado ata o momento polo Ordes CF pero lembrou que “tamén hai outros deportes como o atletismo, o tenis, o baloncesto... que temos que potenciar porque non todo vai ser fútbol en Ordes”. Ademais, asegurou que os socialistas apostarán pola construción dun centro cívico xuvenil.

Membros da candidatura do PSdG-PSOE co candidato Xesús Pedreira e secretario xeral, Pachi Vázquez

Traballo e xestión
Xesús Pedreira amosouse convencido de poder conseguir estes e moitos logros máis para Ordes. Unha confianza que basou no labor realizado nesta última lexislatura, “onde demos estabilidade ao Goberno de Ordes e os socialistas conseguimos máis de nove millóns de euros en investimentos para o benestar dos nosos veciños e veciñas”. Entre eses proxectos, Pedreira destacou o paseo fluvial do río Mercurín, a rolda leste, as melloras no centro médico, a reducción de impostos no rural ou as distintas actuacións realizadas a prol do medio ambiente, con proxectos pioneiros en Galicia como o da recollida de plásticos.

Xesús Pedreira tivo tamén un especial recoñecemento ao labor de Xosé Manuel Tobío “pola súa fidelidade ás siglas e ao proxecto socialista, así como o seu importante labor tanto no ámbito social como empresarial, traendo o wimax ás empresas, promovendo a Feira de Saldos, mellorando a praza de abastos ou iniciando a tramitación do polígono empresarial de Pardiñas”.

Cheo absoluto no salón de actos do restaurante ordende El Túnel. 

Composición da candidatura
Xesús Pedreira estivo acompañado no acto, celebrado no restaurante El Túnel, polos alcaldes socialistas da comarca de Ordes: Manuel Mirás (Oroso), Mariano Iglesias (Mesía) e Xosé García (Cerceda), así como polos candidatos socialistas ás alcaldías de Trazo (Beatriz Domínguez), Frades (José Manuel Iglesias), Tordoia (Antonio García) e Teo (Jano Leis).

Parta dos membros da candidatura socialista no Concello de Ordes.

A candidatura do PSdeG-PSOE á alcaldía de Ordes está composta por:
1 Xesús Pedreira Mirás
2 María del Carmen Fernández Reboredo
3 Antonio Morán Ferreiro
4 Verónica Gómez Fuentes

5 Víctor Manuel Villaverde Mirás (Independiente)
6 Beatriz Busto Candal
7 Javier Gómez García
8 Elisa Carneiro Uzal (Independiente)

9 Juan Carlos Souto Figueira (Independiente)
10 María Carmen Arcos Antón (Independiente)
11 Juan José Ballesteros Díaz
12 María Sol Monje Garabato
13 María Josefa Couselo Vázquez

14 María Teresa Ferreiro González
15 Alejandro Manteiga García
16 Ana Vanesa Tacón Gómez (Independiente)
17 Carlos Pérez Casas

Suplentes:
1 José Lino Gómez González
2 Esther Figueroa Rodríguez
3 Antonio Becerra Lamas
4 Miriam Carballo Rodríguez

*

O PSdG-PSOE presenta ao seu "equipo para gobernar"

Foto de familia dos integrantes da candidatura socialista ao Concello de Ordes para a lexislatura 2011-2015

Xesús Pedreira: "Esta é a mellor lista que se presenta por Ordes, cun perfil profesional e humano para gobernar"

Preséntanse ante os veciños nun acto público e aberto a todos este lunes 25 ás 21:00 horas no restaurante El Túnel  

A lista de nomes do PSdG-PSOE de cara ás eleccións municipais do 22 de maio xa deixoude ser un segredo. O actual concelleiro de Sanidade, Medio Rural e Medio Ambiente, Xesús Pedreira Mirás, encabezará unha candidatura que segundo as súas propias declaracións, "aspira a gobernar o Concello de Ordes".

Este luns 25 de abril a partires das 21:00 horas daranse a coñecer aos veciños e veciñas de Ordes nun acto público no restaurante El Túnel. Estes son os nomes da candidatura socialista:

1. Jesús José Manuel Pedreira Mirás
2. María del Carmen Fernández Reboredo
3. Antonio Morán Ferreiro
4. Verónica Gómez Fuentes

5. Víctor Manuel Villaverde Mirás
6. Beatriz Busto Candal (Independiente)
7 Javier Gómez García
8 Elisa Carneiro Uzal (Independiente)

9 Juan Carlos Souto Figueira (Independiente)
10 María Carmen Arcos Antón (Independiente)
11 Juan José Ballesteros Díaz
12 María Sol Monje Garabato

13 María Josefa Couselo Vázquez
14 María Teresa Ferreiro González
15 Alejandro Manteiga Garcia
16 Ana Vanesa Tacón Gómez (Independiente)
17 Carlos Perez Casas

Suplentes:
1 Jose Lino Gómez González
2 Esther Figueroa Rodríguez
3 Antonio Becerra Lamas
4 Míriam Carballo Rodríguez

*