Un enlace na web municipal permite acceder a este servizo, xestionado pola
Axencia de Emprego e Desenvolvemento Local
O Concello de Ordes ven de poñer en
marcha unha nova plataforma informática dirixida especialmente a desempregados na búsqueda activa de emprego. Trátase dun
portal dixital de búsqueda de emprego que se
actualizará semanalmente. A Axencia de Emprego e Desenvolvemento Local
valerase non só dos medios de comunicación senón dos datos aportados por
distintos organismos e institucións.
Para acceder a este novo boletín de búsqueda de emprego basta con premer
o link que aparece na páxina www.concellodeordes.com.
Deste xeito se poderán consultar as principais ofertas tanto do municipio como
da comarca, provincia e incluso doutros puntos da xeografía galega. Tamén
se porá a disposición dos usuarios o boletín de ofertas elaborado pola Cruz
Vermella.
Formación e noticias
Non será a única información á que se teña acceso a través deste
boletín, xa que tamén se poderán consultar diferentes accións formativas e outras noticias de interese
relacionadas co ámbito laboral. Éstas atenden a feiras de emprego, becas e
axudas a desempregados, prácticas laborais, etc.
Tal e como viña sucedendo ata agora este
boletín de emprego continuarase editando en formato papel, que se poderá
recoller tanto na Casa do Concello como na biblioteca municipal.
*
