Martínez Sanjurjo: "A hiperinflación de convocatorias de plenos e comisións e unha inmoralidade"
O Partido Popular de Ordes
celebrou hoxe que BNG e PSOE se sumen agora á súa proposta de reducir o importe
global que o Concello dedica ao pagamento de indemnizacións por asistencia a
plenos e comisións.
O propio Partido Popular alerta de que xa denunciou tempo
atrás, a proliferación de convocatorias de plenos
extraordinarios e de comisións, "convocatorias inxustificadas no caso dos plenos, e
case sempre baleiras de contido por falta de documentación das comisións, que
so responden ao interese do alcalde por pagar dietas aos concelleiros do equipo
de Goberno, aos que a oposición liderada polo PP, deixou sen soldo na actual
lexislatura".
A modo de exemplo, o portavoz
municipal do PP de Ordes, José Luis Martínez Sanjurjo, recorda que a pasada
semana o alcalde convocou tres comisións diferentes, sen a remisión previa do
necesario contido documental, e que non duraron máis de dez ou quince minutos cada
unha. “Esta proliferación de comisións, e mesmo o Pleno extraordinario do
pasado venres, o quinto en nove meses, retratran claramente o proceder dun
alcalde que prima os intereses persoais fronte aos dos veciños que pagan
impostos e sosteñen o Concello”, afirma o voceiro popular.
 |
| Martínez Sanjurjo (PP). |
A frase de José Luis Martínez Sanjurjo, portavoz municipal do PP de Ordes
A “hiperinflación de
convocatorias de plenos e comisións que o alcalde promove para dotar de soldos
aos seus concelleiros é unha inmoralidade que o Partido Popular non está
disposto a consentir"
*
