 |
| Estado actual da rotonda de auga na N-550, á entrada do polígono industrial de Merelle. |
Xesús Pedreira: "Xa é tempo de que Fomento adopte unha medida definitiva"
O PSdeG-PSOE de Ordes solicitará ao pleno
municipal, que se reunirá a vindeira semana, a que inste a Demarcación de
Carreteras en Galicia a que sen máis demora remate coa provisionalidade da
rotonda de auga na N-550 e que dá entrada ao polígono industrial de Merelle, á
rolda leste de Ordes e que ademais regula o tráfico en dirección a Cerceda. O
voceiro socialista, Xesús Pedreira, considera que “se trata dun punto de
intensa circulación e pensamos que é tempo de que o Ministerio de Fomento
adopte unha medida definitiva”.
Unha petición da que se daría traslado á
Consellería de Medio Ambiente, Territorio e Infraestruturas, xa que foi a
entidade que asinou en 2009 o convenio que permitiu a construcción da Rolda
Leste. Neste sentido, Pedreira Mirás lembra que “os socialistas de Ordes temos
presentado distintas iniciativas no pleno municipal durante os anos 2011 e
2012; e o deputado autonómico Pablo López Vidal visitou a zona en agosto de
2011 e presentou unha iniciativa no Parlamento de Galicia para instar á Xunta a
finalizar as obras canto antes”.
Sector lácteo
Así mesmo, os socialistas trasladarán tamén ao
pleno municipal unha moción presentada polos sindicatos agrarios galegos
(Unións Agrarias, Xóvenes Agricultores e Sindicato Labrego Galego) en defensa
do sector lácteo galego. Neste sentido, Xesús Pedreira considera que “o rural galego e da comarca
de Ordes afronta de Galicia está a afrontar un escenario económico desolador
que o coloca ao borde da súa desaparición debido ao importante diferencial de
prezos do leite coa media española, que é un 5,5% menor, e que este ano se veu
agravadoa pola suba dos custos de produción, a seca que vivimos a última
primavera, a vaga de incendios, a falta de axudas a explotacións e a redución e
práctica desaparición das compensatorias dos danos producidos pola fauna
salvaxe”.
Por
iso, a moción dos sindicatos agrarios insta ao presidente da Xunta, Alberto
Núñez Feijoo, a que esixa aos Ministerios de Agricultura e Economía que non
permitan que a distribución francesa e alemá trate ao sector galego como o
sumidoiro para a súa produción láctea a costa de arruinar zonas produtoras como
Galicia; e a que tome as iniciativas oportunas para impedir a discriminación de
prezos que as empresas exercen sobre o leite galego, articulando mesas de
negociación entre productores, industria e distribución semellantes as que se
deron en paises como Francia.
Ademais,
a moción solicita a posta en marcha dun observatorio de precios das materias
primas, que permita valorar a súa evolución de xeito transparente e que se
acometan modificacións normativas que aseguren unha aplicación axeitada dos
contratos no sector lácteo. Finalmente, solicítaselle á Consellería do Medio
Rural que reforce as partidas de axudas á modernización das explotacións e que
actúe de xeito decidido contra o déficit de térra que padecen as explotacións
galegas, que está a limitar a rendibilidade das mesmas e a comprometer o futuro
das axudas europeas que estarán ligadas á superficie agraria.
*
