A proba terá lugar este domingo 11 de maio
Mañá mércores 7
de maio conclúe o prazo para poder inscribirse na XIX Carreira Popular de Ordes que terá
lugar o domingo día 11. Poderán participar atletas
profesionais ou afeccionados de todas as idades. As inscricións deberán realizarse no Departamento de Cultura e Deporte da Casa do Concello.
Este
ano a organización entregará trofeos aos tres primeiros clasificados de cada
categoría masculina e feminina, así como aos tres primeiros clasificados do
municipio. Tamén recibirán premio os máis novos e os máis veteranos de cada
proba.
Como cada ano, haberá premios en metálico destinados á carreira absoluta
(xuvenil, júnior, promesa, sénior e veteranos), que nesta ocasión serán de 150,
80 e 50 euros para os corredores individuais. No caso de clubs federados e
grupos do municipio a contía será de 150, 100 e 50 euros.
Organizadores e colaboradores
A XIX Carreira Popular de Ordes está organizada polo Concello de
Ordes coa colaboración de Gadis, Nutrexpa,
Carnicería Enrique, Eurofrut, Cruz Vermella Ordes, Feiraco, Reale Seguros,
Jaime Castro asesoría e seguros, Pazo do Bidueiro, Infantilandia, delegación de
Santiago da Federación Galega de Atletismo e Championchip.
Para máis
información poden contactar cos organizadores a través do teléfono 981
680 002.
*
