Xesús Pedreira: "Necesitamos reparar pistas en Beán e Barbeiros, os tellados do CEIP Castelao e do pavillón do Campomaior, repoñer o muro caído en Vista Alegre e arranxar o local social de Nouche"
Os socialistas de Ordes informaron hoxe de que solicitaranlle axudas á Xunta de Galicia por un importe de 165.000 euros para
paliar os danos causados polos últimos temporais en Ordes, especialmente pola
cicloxénese explosiva que tivo lugar o pasado Nadal.
Unha proposta que o
secretario xeral dos socialistas ordenses, Xesús Pedreira, vén de remitir ao
grupo parlamentario do PSOE, que será quen o presente no Parlamento de Galicia cando outras reclamacións.
Noiteboa sen luz
Esta é a segunda acción dos
socialistas de Ordes no que atinxe á cicloxénese explosiva que afectou o
municipio o pasado 23 de decembro.
A primeira xa é hoxe unha realidade pois,
tal e como instaban os socialistas ordenses, o Concello de Ordes xestionará as
reclamacións dos veciños e veciñas do municipio afectados polos cortes de
subministro eléctrico durante a cicloxénese explosiva diante de Gas
Natural-Unión Fenosa e da Consellería de Industria.
Unha situación que afectou
especialmente ás parroquias de Parada e Poulo, onde moitos veciños tiveron que
pasar a Noiteboa sen luz.
 |
| Xesús Pedreira (PSOE). |
As frases de Xesús Pedreira, voceiro municipal socialista de Ordes
“Demandamos a colaboración da Xunta de Galicia para reparar pistas en
Beán e Barbeiros especialmente danadas por estes temporais, así como para
arranxar os tellados do colexio Castelao e do pavillón polideportivo do
Campomaior, repoñer parte do muro caído no campo de fútbol de Vista Alegre e
arranxar o local social de Nouche”
*
