O BNG de Ordes asegura que “a intención do alcalde de revocalo e
modificalo é a confirmación de que mentiu cando dixo que tiña a conciencia tranquila”
O BNG de Ordes anunciou hoxe que o alcalde convocou un pleno extraordinario ás 08:00 da mañá do martes 7 de maio, intentando evitar a
asistencia de público e aproveitando que ainda non tomaron posesión os
dous novos concelleiros do BNG.
O ex portavoz do BNG de Ordes, Gonzalo Castro, que promoveu este acordo
hai unha semana no seu último pleno como portavoz do BNG na Corporación,
afirmou que “a intención do alcalde de
revocalo e modificalo é a confirmación de que mentiu cando dixo que
tiña a conciencia tranquila”.
O alcalde, segundo os nacionalistas, propón
eliminar o compromiso de dimitir dos concelleiros da Corporación Municipal son
imputados por feitos relacionados co exercicio do seu cargo, e limitalo só ao
caso de que se abra xuizo oral contra eles.
Que significa ser imputado
Castro lembrou
que a lexislación penal define que “imputado
é aquela persoa á que se atribue xudicialmente a participación nun delicto”,
e salientou que “resulta lamentábel
que para o alcalde isto non constitua motivo suficiente para asumir
responsabilidades políticas cando o delicto imputado teña que ver coas
actividades propias do seu cargo”.
Gonzalo Castro
salientou que “a ninguén lle pode
extrañar que exista desconfianza e desafección cara a política por parte da
cidadanía, cando se é incapaz de asumir un compromiso básico coa ética e a
honestidade”
Castro afirmou
que “despois desta proposta da
alcaldía a ningún veciño de Ordes lle sorprenderá que nos poidamos atopar nun
futuro próximo con imputacións de concelleiros do goberno, a actitude do
alcalde acaba de poñer baixo sospeita a xestión do seu goberno”.
*
