As alumnas aprenderán a elaborar o seu currículum,
cartas de presentación, como actuar nunha entrevista de traballo e os seus
dereitos e obrigas no ámbito laboral
A Mancomunidade de
Municipios de Ordes organiza unhas xornadas gratuitas de orientación laboral
para mulleres residentes na comarca de Ordes. Unhas xornadas de dez horas de duración que terán lugar nos concellos de Ordes e de Oroso, aínda que
están abertas á participación de calquera veciña da comarca ordense. As
xornadas desenvolveranse durante tres días, en horario de 10 a 13:00 horas.
A
participación é totalmente de balde, se ben é preciso anotarse previamente no Centro de Información á Muller (981 682 108),
para asistir ás xornadas de Ordes, que se celebrarán do 23 ao 25 de maio na
aula de formación da rúa L. Xoxardo; ou ben nos Servizos Sociais de Oroso (981 688 950), para
asistir ás xornadas de Oroso, que terán lugar do 28 ao 30 de maio no centro
cultural Fernado Casas e Novoa.
Contidos dos xornadas
Durante a primeira mañá,
os técnicos do Servizo Emprega e do Centro de Información á Muller ensinarán ás
asistentes a deseñar o seu itinerario persoal, aprendendo a elaborar o seu
currículum e carta de presentación, como afrontar unha entrevista de traballo e
coñecendo as distintas fontes de emprego existentes.
Durante a segunda mañá, as alumnas adentraranse no mundo dos certificados de
profesionalidade, que supoñen un recoñecemento da experiencia laboral para
persoas que non teñen conseguido un título académico previo. A terceira xornada
estará adicada aos dereitos e obrigas no ámbito laboral e nela analizarase polo
miudo as claves da nova reforma laboral e farase unha semblanza do mercado
laboral en Galicia. Ambas xornadas rematarán cunha hora de formación a
distancia.
Estas xornadas están
organizadas pola Mancomunidade de Municipios da Comarca de Ordes, en
colaboración co Concello de Oroso e co Concello de Ordes, así como co Fondo
Social Europeo, a Xunta de Galicia, a Rede de Técnicos de Emprego de Galicia e
o CIM de Ordes.
A frase de Manuel Regos, presidente da Mancomunidade de Municipios da Comarca de Ordes
“O obxectivo destas xornadas é facilitarlles ás participantes os contidos básicos precisos para que deseñen o seu itinerario persoal, así como coñecer as ferramentas para a busca activa de emprego e os detalles da última reforma laboral”
Ordes acollerá dende o 11 ata o 13 de maio o campionato de España de hoquei a patíns na categoría alevín. Unhas probas que se desenvolverán no pavillón
Castelao a partir das 09:30 horas.
Os
equipos participantes son a A.C. Órdenes, A.A. Dominicos, C.P. Voltrega, C.P. Alcobendas, Rivas Las
Lagunas, Sant Josep e Jolaseta.
Organizadores O campeonato está organizado polo Concello de Ordes e o A.C. Órdenes coa
colaboración do Consejo Superior de Deportes, Deporte Galego, Federación Galega
de Patinaxe e aReal Federación Española
de Patinaje.
Xesús Pedreira: "O cambio pode poñer en perigo nun futuro próximo a
supervivencia dos dous xulgados que actualmente temos en Ordes”
O voceiro municipal do PSdeG-PSOE de Ordes, Xesús Pedreira, vén de instar
ao alcalde ordense, Manuel Regos, a que de forma urxente convoque aos voceiros
municipais para solicitar un pleno extraordinario no que debater o novo deseño
de demarcación xudicial, que supón a desaparición de Ordes como Partido
Xudicial.
Xesús Pedreira, explica que “os socialistas entendemos que esta
desaparición de Ordes como Partido Xudicial perxudica ao concello, tanto no
económico como no xudicial, e pode poñer en perigo nun futuro próximo a
supervivencia dos dous xulgados que actualmente temos na vila de Ordes e polos
que tanto loitou o grupo socialista”.
Xesús Pedreira, do PSOE de Ordes.
Unificar forzas
O secretario xeral da Agrupación Socialista de Ordes apunta que a
desaparición dos xulgados ordenses “podería darse se onde se localice a capital
no novo Partido Xudicial, Santiago, se cree unha Cidade da Xustiza onde se
centralicen todos os xulgados”.
Por iso, os socialistas de Ordes buscarán
unificar as forzas políticas do municipio de cara a manter un criterio único
que permita manter o Partido Xudicial de Ordes fronte ao novo deseño de
Demarcación Xudicial.
O 19 de abril de 2012 o Consello Xeral do Poder Xudicial aprobou un
documento cos principios e criterios básicos para o deseño das circunscripcións
xudiciais de España. Así, o pasado xoves 3 de maio, a mesma institución
aprobaba un novo mapa xudicial no cal desaparece Ordes como Partido Xudicial.
Foron preto de 250 os patinadores participantes, chegados de Ordes, Cambre e Carral
Esta mañá tivo lugar no pavillón
Castelao a III Exhibición Municipal de Patinaxe Artística Ordes 2012 coa
participación de preto de 250 patinadores de distintas idades. En total
foron vinte os equipos con representantes pertencentes a distintas categorías
chegados de distintas partes da provincia. De Ordes contouse coa participación
dos clubes Campomaior, Alquimia e Castelao. Dende Laracha acercouse o C.P
Coruxo, mentres que de Cambre e Carral asistiron os patinadores do Torrente
Ballester e do EM Carral, respectivamente.
Coreografías
Familiares, amigos e
seguidores abarrotaron as gradas do polideportivo Castelao para poder disfrutar
das coreografías representadas por rapaces e rapazas con idades entre os 5 e os
17 anos. Misión imposible, Single lady, Cantando bajo la lluvia ou Dirty Dancing foron algúns dostítulos
que animaron a todos os asistentes.
Víctor, campión provincial
Víctor, campión provincial cadete, ofreceu
unha exhibición do seu bo facer, deixando patente que o títuloque ostenta é ben merecido dado o dominio
que ten sobre os patíns e a súa calidade interpretativa.
Medallas
Tras a participación de cada equipo todos
os participaron saltaron á pista onde o concelleiro delegado de Deportes de Ordes, Roberto Iglesias, e a
concelleira de Discapacidade, Lucía Iglesias, fixeron entrega de medallas a
cada un dos participantes nesta nova edición organizadapolo Concello de Ordes.
Este centenario encontro gandeiro empresarial celebrarase o primeiro o terceiro sábado de cada mes
A feira da Adina celebrada onte no Mesón do
Vento congregou a máis dun millar de persoas. Dende hai máis dun seculo esta feira
vense sucedendo ininterrumpidamente, polo que o Concello de Ordes decidiu
apoiar a iniciativa popular de renovar este mercado de gando que, entre outras
novidades, ten previsto a celebración de xornadas temáticas baseadas en
productos galegos.
Celebración
O Concello de Ordes ten previsto a celebración deste centenario encontro gandeiro empresarial o primeiro e terceiro sábado de cada mes.
A rúa Real de Ordes, rebautizada en agosto de 1923 como avenida de Alfonso Senra, nunha foto dos anos 40.
A debate a peatonalización do tramo da avenida de
Alfonso Senra entre o Nogallás e a Casa do Concello (I)
A historia contemporánea do concello de Ordes está irremediablemente unida á
estrada nacional 550 A Coruña-Tui. Xa baixo a histórica denominación de ‘carretera
de La Coruña’, a vía aparecía inmortalizada, ao seu paso pola parroquia
ordense do Mesón do Vento, en La Casa de
la Troya, de Alejandro Pérez Lugín.
Existe tamén a certeza de que Federico
García Lorca pasou por Ordes, no seu camiño por esa mesma estrada entre A Coruña e Santiago de
Compostela co grupo teatral de La Barraca, na mañá do mércores, 24 de agosto de
1932.
Un 'pellejero' de Sogama xira dende a avenida de Alfonso Senra para entrar na rúa do Recreo de Ordes.
Ordes, apeadeiro
Pero sería dende mediados do século XX, coa proliferación do tráfico rodado
polas carreteras españolas, cando a vila de Ordes gañou boa parte da súa fama
como principal apeadeiro na viaxe entre ambas principais cidades da provincia coruñesa. Un
traxecto de 62 quilómetros e dunhas dúas horas de duración que convidaba a
moitos a facer un alto na metade do camiño, precisamente á altura da vila de Ordes. Establecementos hosteleiros como o Nogallás, o bar Juanito ou o restaurante El Túnel deron boa conta durante
décadas deste filón comercial á hora de despachar comidas, cafés e tamén os populares 'queiques' aos viandantes.
En setembro de 1976, a primeira ameaza chegaba a este próspero negocio surxido ao amparo do tráfico rodado. Autopistas
del Atlántico (AUDASA) daba comezo ás obras da autoestrada Santiago-A Coruña que finalmente, na tarde do 27 de abril de 1979, entraba en funcionamento. A distancia entre
unha e outra cidade reducíase en dous quilómetros e cubríase en apenas trinta e
cinco minutos baixo unha peaxe de 50 pesetas.
O proxecto da ronda leste, tal e como foi presentado pola Xunta de Galicia e o Concello en febreiro do 2009.
Seis mil camións diarios
O certo é que a pesares da entrada en funcionamento desta importante infraestrutura que é a AP-9, a vila de Ordes seguiu a rexistrar un altísimo volume
de tráfico pesado cifrado en 2009 por fontes municipais en “máis de seis mil camións
diarios”.
Así, e durante estas tres últimas décadas, Pleno tras Pleno, Goberno tras Goberno
e lexislatura tras lexislatura, a posición prácticamente unánime de todos os grupos
municipais do Concello de Ordes fronte ao insoportable tráfico que diariamente ven acollendo a avenida de
Alfonso Senra parecía non concretarse en nada. En outubro do 2007, A Galega emitía unha reportaxe denunciando oque a diario a vila de Ordes vese obrigada a sofrer:
Unha ‘longa noite
de pedra’ chamada a rematar trinta anos despois coa ronda leste, unha circunvalación posible
grazas ao convenio asinado en febreiro de 2009 entre a Xunta de Galicia e o Concello de Ordes. O obxectivo, tal e como o deixaron claro o alcalde de Ordes,
Manuel Regos, e a conselleira María Xosé Caride, non era outro que atallar definitivamente
de Ordes ese insoportable tráfico de catro camións por minuto por cada día
das nosas vidas.
Tapón de tráfico pesado na avenida de Alfonso Senra.
Alfonso Senra
Pero agora xa temos AP-9 e a ronda leste vai camiño de rematar neste mesmo ano de 2012, e agora que? O pasado 22 febreiro, Manuel Regos declaraba en Ordessiete que o proxecto urbanístico de Ordes en absoluto remataba coa entrada en
funcionamento desta circunvalación.
Regos, segundo declarara a Ordessiete, pretende un concello “saudable,
rico e próspero, e con equilibradas areas comerciais, residenciais e industriais”, e nese obxectivo, o alcalde mostraríase partidario dunha intervención na avenida de Alfonso
Senra ao seu paso polo centro da vila, especialmente aos cincocentos metros que
separan o restaurante Nogallás da antiga Casa do Concello. “Peatonalizar ese
tramo da avenida é unha das nosas asignaturas pendentes. Confío que logremos
ese obxectivo nesta mesma lexislatura”, afirmou.
A opinión do experto
Ordessiete consultou esta pretensión cun arquitecto urbanista, bo coñecedor da
realidade de Ordes, que prefire manter o anonimato. Segundo
este experto, a actual accesibilidade á vila de Ordes “non é a propia dos tempos que estamos a vivir”. Nos convida a poñer os ollos nos modelos europeos: “Resultaría impensable en Europa que unha arteria coma a N-550 e co altísimo tráfico que soporta diariamente, atravesara en canal, de lado a lado, unha vila habitada
como é a de Ordes”, afirma.
Resultado da peatonalización da rúa de Gutiérrez Mellado, en Pontevedra.
Beneficios da peatonalización
Iso si, e pese a
amosarse partidario do ‘proceso de humanización’ das vilas e ciudades, o
experto advirte de que este tipo de actuacións son "irreversibles”. Así a súa adaptación “deberá estudiarse con anterioridade e con todo detalle”, apunta. Coñecer a opinión cidadá, e sobre todo a dos comerciantes da zona resulta, a todas luces, "imprescindible".
A clave nesas conversas, asegura o
arquitecto consultado, pasaría por “convencer gradualmente á poboación dos beneficios
da recuperación das vías urbás para os peóns”. O experto alerta de que os procesos de peatonalización “esixen
concienciar á sociedade de que outro sistema de mobilidade nas vilas e cidades non
só é posible, senón que ademais, é o mellor”.
O problema, apunta o experto “está no
imaxinario de moitos veciños e sobre todo de moitos comerciantes que asocian a peatonalización
co peche da rúa". Pensamento que recoñece, “hai que atallar de forma moi
suave e escalonada”, tal e como se fixo, por exemplo, na vila pontevedresa de Marín.
Así, o proceso de
humanización de Ordes, afirma o urbanista, “debería comezar xa mesmo restrinxindo a
velocidade de circulación no centro da vila a velocidades máximas de 20
quilómetros por hora”. Unha segunda fase, sempre segundo este experto
consultado, “pasaría por pechar o
tráfico a avenida de Alfonso Senra os domingos dos meses de verán para logo ir aumentando a súa
peatonalización gradualmente no tempo, ata chegar ás fins de semana de todo o
ano”.
Así, e unha vez coñecida esta primeira experiencia a modo de simulacro, "o Concello
de Ordes contaría cunha folla de ruta excepcional para dar o paso, ou non, de
cara á peatonalización de boa parte da avenida de Alfonso Senra", sinala.
A Praza de España e ao fondo, a Casa do Concello de Pontevedra, logo da súa peatonalización.
A 'humanización' de Pontevedra
Coñecer o xeito no que resultou o proceso de ‘humanización’ noutras vilas e
cidades resulta de interese antes de tomar unha decisión hacia Ordes. Quizá un dos exemplos máis paradigmáticos neste sentido sexa o de Pontevedra. A inicial e furiosa oposición dos comerciantes á peatonalización do seu casco urbán deu paso á unánime admiración.
Hoxe, case un ano
despois da 'humanización' das súas céntricas rúas de Benito Corbal ou Daniel de
la Sota, as antes críticas voces dos comerciantes tornáronse nunha gran satisfacción por parte dos comerciantes e un recoñecido pulo ao comercio pontevedrés.
Resultado da peatonalización do Eixo do Carmo, en Cartagena (Murcia).
O caso de Cartagena
Fora de Galicia, un caso moi significativo aconteceu con Cartagena. En
xullo de 2011, o Goberno municipal recibiu non só furibundas críticas ao seu
plan de peatonalización, senón tamén ameazas, insultos e mesmo agresións a membros do seu Goberno municipal por parte
dos comerciantes da zona. As obras de peatonalización mesmo tiveron que ser custodiadas por axentes da policía municipal durante toda a intervención.
Cinco meses despois de rematada a obra, en decembro do 2011, o diario
murciano La Verdad fixo unha enquisa entre os comerciantes das zonas intervidas para coñecer a súas respostas ante o cambio sofrido. O resultado foi sorprendente: Oapoio á humanización foi “prácticamente
unánime” por parte deses mesmos antes enfurecidos comerciantes.
Montserrat Rei: "Non resulta suficiente con sinalar a ronda leste, senón que Fomento, como titular da N-550, debe prohibir o paso dos camións polo centro de Ordes"
O grupo municipal do BNG de Ordes presentará unha moción na próxima sesión plenaria para que o
Pleno da corporación municipal do Concello de Ordes pida ao Ministerio de Fomento unha limitación ao tráfico pesado que circule en
dirección a Santiago ou A Coruña pola N-550 ao seu paso polo centro da vila de Ordes ao existir a alternativa da recén inaugurada ronda leste.
Na moción dos nacionalistas se propoñen excepcións en casos
xustificados, como son os dos vehículos que deban efectuar descargas en empresas ou
comercios do centro de Ordes, ou o transporte público con paradas na vila.
Montserrat Rei, concelleira do BNG de Ordes, manifestou que “non resulta suficiente con sinalizar
adecuadamente a nova ronda para sacar o tráfico pesado do centro de Ordes,
é necesario que o Ministerio de Fomento, como titular da N-550, prohiba o
tráfico pesado de máis de 3,5 toneladas de masa no tramo desta estrada que discurre pola vila de Ordes”.
A concelleira explicou que “non existen razóns para non adoptar esta medida, xa que os camións que
circulan cara A Coruña ou Santiago pola N-550 teñen unha alternativa para
circunvalar o núcleo urbano sen pasar polo centro, a recentemente inaugurada ronda leste”.
Montserrat Rei.
A frase de Montserrat Rei, concelleira do BNG de Ordes
“Despois de
moitos anos de espera, a mobilización dos veciños e veciñas de Ordes, con máis
de 3.000 sinaturas que solicitaron o desvío do tráfico pesado do centro da vila,
especialmente os camións de lixo que teñen como destino SOGAMA, ten conseguido
que se construise unha ronda alternativa para desviar o tráfico pesado do
centro da vila"
"Debense realizar de xeito inmediato todas cantas xestións sexan precisas e que
permitan á veciñanza poder desfrutar canto antes dos beneficios desta ronda”
Así o asegura o PP de Ordes, quen denuncia este 'esquecemento' do Goberno municipal e que obriga a unha expropiación forzosa
O Partido Popular de Ordes informou onte de que novo depósito de auga potable
de Ordes, construido hai preto de dous anos en Merelle "continúa baleiro e sen
entrar en servizo porque no proxecto de execución o Concello 'esqueceuse' de
prever a adquisición dos terreos necesarios para conectalo á rede de
abastecemento da vila".
Deste xeito, aseguran os populares, "os 182.000 euros
investidos na execución e dirección desta obra súmanse a outras cifras millonarias
destinadas a actuacións inservibles pero que inflaron aínda máis a abultada
débeda municipal".
Expropiación forzosa
Este 'esquecemento' do Concello, aseguran, "obriga
á Administración municipal a iniciar un procedemento de expropiación forzosa". Expediente que demorará a entrada en servizo da infraestructura, "a pesar das
deficiencias que presenta o abastecemento de auga na vila de Ordes e o seu
contorno".
O Partido Popular de Ordes
enmarcou este feito na "xestión chapuceira á que o Goberno local de Ordes
ten habituados a todos os veciños".
Este ano o programa inclúe actividades como volei
praia, vela, tenis, golf ou visitas culturais
O Concello de Ordes tramitará ata o próximo 1 de xuño as inscricións
para poder participar nos campamentos deportivos 2012 organizados pola
Deputación da Coruña e dirixidos a rapaces e rapazas de 9 a 13 anos.
Golf, vela de cruceiro,
tenis, volei praia, visitas culturais guiadas pola Coruña e comarca, xogos
cooperativos e de praia, ou as olimpiadas de paz son algunhas das actividades
previstas para este verán. O colexio Calvo Sotelo, ubicado na cidade da
Coruña, servirá de aloxamento para todos os participantes. Realizaranse tres
quendas que se distribuirán según o concello de procedencia dos participantes e
que no caso de Ordes será durante a semana do 8 ao 14 de xullo. A cuota de
inscrición ascende a 85 euros e inclúe o transporte interno, estadía,
manutención, así como os gastos derivados das actividades programadas.
Reserva de praza
Todos os interesados poden pasar polo departamento de Cultura e Deportes do Concello de Ordes e formalizar
a súa reserva de praza. Para elo deberá entregar unha ficha cos seus datos que
lles será entregada no mesmo Concello. Tamén é preciso unha foto tipo carné,
unha fotocopia da tarxeta sanitaria, outra do carné de identidade ou do libro
de familia, copia do pagamento das cuotas así como un xustificante médico se o
menor precisa dalgún tratamento específico.
No caso de que o número de
solicitantes sobrepase o de prazas ofertadas éstas asignaranse mediante sorteo.
Eles son os premiados polo noso concello xunto a outros tantos de Cerceda, Frades, Mesía, Oroso, Tordoia e Trazo
Oroso será a sede este
ano da V Gala do Deporte da Mancomunidade de Ordes, que premiará aos 35
deportistas e entidades deportivas máis destacados no ano 2011 dos concellos de
Cerceda, Frades, Mesía, Ordes, Oroso, Tordoia e Trazo. Uns premios que serán
entregados o mércores 16 de maio, ás 20:00 horas, no transcurso dunha gran gala
que terá lugar no pavillón polideportivo de Sigüeiro e que estará presidida por
Manuel Regos Boquete, presidente da Mancomunidade de Ordes, e Manuel Mirás Franqueira,
alcalde de Oroso.
Premiados
Os premiados polo Concello de Ordes nesta quinta gala son:
1º PREMIO: Club SEO (carreiras de orientación e raids de
aventura). Son campións da Liga Galega de Raids de Aventura e de
Orientación (en categoría H-35). En 2011 tamén foron campións en Aventura
no II porteAventura Raid e no II PontevedRAID, así como segundos en
Aventura no I Raid de Xermade e en Elite e Aventura (Liga Galega) no
Somozas Extreme.
2º PREMIO: AC Ordes Senior (hockey sobre patíns). Durante a
pasada tempada conseguíu invicto o ascenso á Primeira División Nacional,
antesala da OK Liga. A pesar das dificultades económicas, ten garantizado
a súa permanencia.
3º PREMIO: Asociación Deportiva de Ordes
(fútbol sala, tenis, tute, dardos),
polas actividades que leva organizado ao longo dos seus tres anos de vida
e polas que pasaron máis de 600 persoas.
CATEGORÍA PROMESA: SD Órdenes categoría
Biberóns (fútbol
base), nacida nesta tempada 2011-2012 co obxectivo de crear
canteira, achegar e crear afección ao deporte do fútbol nos máis novos do
concello (4-5 anos)
RECOÑECEMENTO ESPECIAL: Juan Fuentes
Fernández (hockey e fútbol).
Foi campión galegoe subcampión de
España Infantil de Hockey co Liceo.Empezou a práctica do fútbol no 1993 e
xogou ata o 2010 nos equipos: SD Club Ordes, SD Compostela e SD
Ponferradina. Foi seleccionado pola Selección Galega Absoluta de Fútbol.
O intelectual galleguista vigués Valentín Paz-Andrade, a quen este ano se lle dedica o Día das Letras Galegas.
Podes remitir os teus poemas orixinais ata o 14 de maio no departamento de Cultura do Concello (Tlf, 981 680002)
O Concello de Ordes convoca o seu quinto certame de poesía nas categorías de infantil (ata 12 anos), xuvenil (dos 13 aos 16 anos) e xeral (de 17 anos en adiante) co gallo da celebración do Día das Letras Galegas o próximo 17 de maio.
Todos aqueles que queiran participar coas súas creacións poéticas aínda están a tempo de facelo. O próximo 14 de maio remata o plazo de recepción de orixinais. Os poemas deberán ser remitidos ao departamento de Cultura do Concello de Ordes en horario de 09:00 a 14:00 horas (Tlf. 981 680002).
Especificacións Os poemas deberán ser orixinais, escritos en lingua galega, e non poden superar en ningún caso unha extensión máxima de 50 versos. Os poemas deberán estar mecanografiados con letra Arial a tamaño 12 e a dobre espazo. Cada poema deberá ter un título. As obras a concurso non poderán ir asinadas polo nome do seu autor/a, irá identificada baixo seudónimo ou lema, e irán acompañados dun sobre pechado no que se indicará a categoría na que participa.
No seu interior conterá os datos persoais do autor/-a: nome e apelidos, DNI, enderezo, teléfono, así como calquera outro dato relevante sobre o traballo presentado.
A entrega de premios realizarase o día 16 de maio de 2012, con motivo da celebración do acto conmemorativo na honra de Valentín Paz Andrade. Os autores dos poemas ou un representante deles deberán estar presentes o día do acto de entrega de premios, no que se lles convidará a ler total ou parcialmente as súas obras.
Todos os interesados en promocionar os seus productos poderán facelo de xeito gratuíto nun posto feiral
Luis Gómez: "Feiras coma esta nos serven para dar a coñecer en toda a provincia a gran calidade dos productos do noso eido rural"
O próximo sábado 5 de maio, o Mesón do Vento acollerá unha nova edición da feira da Adina, unha cita empresarial que se presenta como un dos puntos de compravenda
de gando máis destacado de toda a provincia para esa fin de semana. O mercado
de gando abrirá as súas portas dende primeira hora con exemplares de raza
vacuna, equina e porcina, ademáis de contar con outro tipo de postos como os
textís ou os de alimentación.
En colaboración co Concello
de Ordes, un grupo de empresarios da zona pretende así dinamizar esta
cita que conta xa con máis de cen anos de antigüidade e que se ven celebrando todos
os sábados víspera do primeiro e terceiro domingo de cada mes.
Programa
O programa desta nova edición prevé tamén unha exhibición cabalar que dará comenzo a partir das 10:00 horas. A partir das 13.30 horas haberá unha sesión
vermú musical para dar paso a un xantar elaborado polos restaurantes e establecimentos
hostaleiros da zona. Xa pola tarde, a partir das 16:30 horas, unha ruta cabalar percorrerá arredor de vinte quilómetros de traxecto a través
dos montes e sendeiros desta parroquia ordense. Finalmente e como peche á xornada, o restaurante
Avelino celebrará unha cea especialcon baile.
A Feira da Adina está ademais aberta a todos os que queiran participar nela ofrecendo os seus productos do agro. Neste caso, deberán contactar coa organización quen lles habilitará un posto feiral a todos os interesados de xeito completamente gratuíto.
O edil ordense Luis Gómez Candal.
As frases de José Luis Gómez Candal, concelleiro de Medio Rural e Desenvolvemento Ecolóxico e Sostible de Ordes
“Dende o Concello de Ordes traballaremos para que esta cita empresarial con tanta tradición no noso municipio se perpetúe no tempo.
Queremos que a Feira da Andina non só se manteña senón que avance, xa que este tipo de mercados teñen unha gran importancia de cara a promocionar a gran calidade dos productos do noso eido rural"
"A feira da Andina é un bo xeito de
contribuir á competitividade do noso campo e da nosa industria gandeira, ademáis de servir de gran estímulo
para a economía da zona e da actividade hostaleira”
Xesús Pedreira denuncia que o tráfico pesado segue a pasar polo centro da vila por non haber indicación algunha da existencia da circunvalación
Pedreira: "Esperemos que non haia que esperar varios meses como aconteceu coa rotonda de Buscás"
Os socialistas de Ordes denunciaron hoxe a ausencia dunha sinalización axeitada da
rolda leste, o que na práctica se traduce en que os vehículos pesados seguen a
cruzar o casco urbán de Ordes no canto de empregar a circunvalación inaugurada
o pasado xoves polo conselleiro de Medio Ambiente, Territorio e
Infraestruturas. Por iso, os socialistas de Ordes van solicitar tanto ao
Concello de Ordes como ao Ministerio de Fomento e á Xunta de Galicia que tomen
as medidas precisas para a inmediata sinalización da rolda leste.
A realidade, segundo o PSdG-PSOE de Ordes, é que os vehículos que circulan pola N-550 procedentes da
Coruña non teñen indicación algunha da existencia dunha circunvalación da vila,
pois o inicio da rolda leste só está sinalizado como acceso ao polígono
industrial de Merelle. O mesmo sucede cos vehículos pesados que circulan aínda
pola estrada de Mercurín.
Neste sentido, o secretario xeral a Agrupación Socialista de Ordes, Xesús Pedreira, lembra que “un dos obxectivos
principais da rolda leste era, precisamente, evitar o tránsito polo centro de
Ordes dos vehículos procedentes de Sogama ou do polígono de Cerceda, que a
través do polígono poderían chegar sen problemas ben á AP-9 ben á propia
N-550”.
No caso dos vehículos que circulan pola N-550 procedentes de Santiago,
tampouco teñen indicación ningunha da existencia da circunvalación, pois o
cartel sinalizador só indica a posibilidade de acceder á Coruña por autopista,
non pola propia N-550. De feito, a única indicación correcta da circunvalación
está situada na rotonda de desvío a Buscás, que se construíu o pasado mes de
abril.
Xesús Pedreira.
As frases de Xesús Pedreira, secretario xeral da Agrupación Socialista de Ordes
“O tráfico que chega a Ordes pola N-550 non ten indicación ningunha da existencia dunha circunvalación que lles evitaría ter que pasar polo centro da vila, polo que nestes díasnon se notou a posta en servizo da rolda leste e os camións seguen atravesando o casco urbán, coas molestias que conleva tanto para os veciños como para os propios condutores, que nas horas punta teñen que soportar retencións de tráfico”.
"Os socialistas de Ordes solicitamos a inmediata sinalización da
rolda leste como vía de circunvalación de Ordes para que cumpra co cometido
que lle corresponde, e que xa estaba contemplado no convenio que asinamos coa
socialista María Xosé Caride en febreiro de 2006"
"A pesar de que houbo
moitos que retrasaron e mesmo tentaron que se anulara a ronda leste, agora é unha realidade
que contribuirá ao desenvolvemento económico de Ordes e mellorará a mobilidade
e a calidade de vida dos nosos veciños”
“A instalación destes carteis indicadores debe facerse canto antes, para que o tráfico pesado
deixe de pasar polo centro de Ordes e para que se lle poda sacar o máximo
partido a un investimento tan importante como a rolda leste. Esperemos que non
teñamos que agardar varios meses como aconteceu coa rotonda de Buscás e que
obrigou ao Partido Socialista a presentar iniciativas tanto no Concello de
Ordes como no Parlamento de Galicia para conseguir a conclusión das obras”
A partir das 12:00 horas e coa participación de varios campións galegos
Este domingo 6 de maio a partir das 12:00 horas, o pavillón municipal Castelao albergará a III Exhibición Municipal de Patinaxe
Artística Ordes 2012.
Unha cita onde participarán dezaoito equipos de diferentes categorías que ofrecerán outras tantas coreografías. Nesta cita en Ordes tamén participará Celso Martínez, subcampión galego alevín de patinaxe artística.
Os provedores do Concello comezarán a cobrar as súas facturas nas próximas semanas
O Concello de Ordes ven de informar que o Goberno Central ven de concederlle o crédito solicitado en base ao plan de pago a provedores aprobado
en Consello de Ministros o pasado 2 de marzo. En total son 2,7 millóns de euros
os solicitados e concedidos ao ente municipal, dos cales dous millónscorresponden a facturas contabilizadas e
non aprobadas, e outros 487.000 euros a facturas xa recoñecidas.
"Boa praxis"
Deste
xeito, aseguran dende o Concello, "ponse de manifesto o correcto procedemento e a transparecia empregada neste
procedemento" tal e como se establece nas bases reguladoras do plan. Unha "boa
praxis" que xa se especificara "nun informe recentemente realizado polo interventor municipal ante as críticas verquidas contra o alcalde,
Manuel Regos, a quen acusaban de ocultar información".
O CPI Pecalama de Tordoia acolleu recentemente os obradoiros sobre uso responsable das redes sociais.
A Mancomunidade traballa nun obradoiro dirixido a pais e nais, “Familias e
redes sociais”, dirixido a fomentar o uso responsable das novas tecnoloxías
A Mancomunidade de Municipios da Comarca de Ordes
está a desenvolver nestas semanas os seus tradicionais obradoiros de prevención
de drogodependencias, que este ano inclúen como gran novidade información sobre
os abusos e adiccións que poden xerar as novas tecnoloxías, en xeral, e as
redes sociais, en particular. Uns cursos que se están a impartir a uns 150
rapaces de 3º e 4º de Secundaria do CPI O Cruce (Cerceda), CPI Pontecarreira
(Frades), CPI Xanceda (Mesía), IES nº 1 (Ordes), IES Oroso (Oroso), CPI
Pecalama (Tordoia) e CPI Viaño Pequeno (Trazo).
As intervencións están dirixidas a escolares que
cursan 3º e 4º de Secundaria, é dicir, rapaces e rapazas de entre 13 e 14 anos
de idade. Mónica González, técnico do Servizo de Prevención de Drogodependencias da Mancomunidade de
Munipios da Comarca de Ordes, explica que “este ano decidimos tamén tratar o
tema do uso dosmóbiles e das redes sociais pois practicamente todos eles teñen
Internet no móbil e andan sempre co Facebook e o WhatsApp. Moitos deles teñen
tarifa plana e os que non a teñen, saben ben como conectarse ás wifis”.
González sinala que “aínda que nos centros
educativos está prohibido levar os móbiles, o certo é que o sacan e o utilizan
igual, polo que esperamos que con estes talleres se decaten os abusos que en
ocasións fan dos módulos utilizando a empatía, é dicir, facendo que se vexan no
rol dos mestres ou dos seus pais diante dalgunhas prácticas perversas do uso
das novas tecnoloxías”. Neste sentido, a ténico do Servizo de Prevención de Drogodependencias da Mancomunidade lembra que “o uso masivo das redes sociais on line
fai que se convertan nun medio de relación e de socialización do rapaz, algo
que polo xeral é positivo pero que tamén ten os seus riscos”.
Familia e redes sociais
Por iso, estes obradoiros que se están a celebrar
na comarca son o punto de partida para unha nova iniciativa da Mancomunidade de
Municipios da Comarca de Ordes, denominada “Familias e redes sociais, estamos
conectados?”. Uns obradoiros dirixidos a pais e nais para que “se familiaricen
con este novo entorno e coñezan as súas posibles ameazas: fraudes, acceso a
contidos inaxeitados, ameazas á privacidade, ciberbulling... e sobre todo para
coñecer estratexias de prevención e actuación ante estas posibles actuacións”,
apunta Mónica González.
Nestes momentos, a Mancomunidade está en contacto
coas distintas asociacións de pais dos colexios e institutos da comarca para
concretar as datas de celebración deste obradoiro, que tería lugar en sesións
de tarde durante dous meses. O obxectivo é comezar a impartir algún destes
obradoiros durante os meses de maio e xuño, mais a actividade seguirase
ofertando no curso 2012-2013.
Entre outros aspectos, explicaráselles aos pais
que hai que poñer límites ao uso das redes sociais tanto no tempo máximo de uso
como na súa frecuencia e lugar de emprego. Ademais, daránselles consellos para
previr o uso perverso dalgunhas novas tecnoloxías como limitar o acceso a internet a un espazo común da casa, establecer normas e regras sobre o tempo de
acceso a Interner ou uso de videoxogos, incorporar no ordenador software de
control parental ou ensinarlle que tipo de fotos e materiais se poden subir ou
non.
Se botará formigón e se fresará e asfaltará boa parte da travesía
As obras darán comezo este xoves, 3 de maio
A partir deste xoves 3 de maio e durante un periodo aproximado de 15 días, a travesía do Recreo, ubicada no centro urbán da vila de Ordes, permanecerá pechada ao tráfico rodado debido ás obras de mellora que a empresa Leonardo Miguélez vai acometer. Unha intervención moi demandada polos veciños de Ordes e que consistirá no formigonado de 40 metros no cruce con Alfonso Senra e no fresado e asfaltado de 900 metros.
O tráfico desviarase polas rúas Mediodía, Coruña e a pista do Balado. Tamén se verán afectadas as rúas Entreparques, Mirón, Campeiras, Reverencia, Vista Alegre e o Parque Municipal. A Policía Local advirte tamén que na rúa Mediodía non se poderá estacionar do lado dos números impares xa que este vial será empregado como desvío provisional.
Os participantes nos cursos de informática do Concello de Ordes recibiron os seus diplomas.
Estes cursos do Concello de Ordes voltarán tras os meses de verán
Máis de 30 alumnos dos cursos de informática para
adultos organizados polo Concello de Ordes recibiron onte os seus diplomas que
acreditan os coñecementos adquiridos nesta materia. As clases deron comenzo o
pasado mes de febreiro e ó longo destes meses impartironse materias adaptadas
ós tres niveis ofertados; iniciación, medio e avanzado.
No acto de entrega
estivo presente o concelleiro de Cultura, Ramón Vázquez Raña, quen manifestou o seu
desexo de que os próximos cursos que se organicen tras os meses estivais conten
co mesmo nivel de participación e aceptación que os que se acaban de clausurar
.
