Cursos de maquillaxe,
creación de complementos, arte floral, danza oriental, cociña, informática e
moito máis
Haberá bonificacións para discapacitados, maiores de 65 anos e familias
numerosas
Prazo de inscrición ata
o 8 de febreiro
O departamento de Cultura e Deporte do Concello de Ordes presentou hoxe o seu programa dos novos circuitos
culturais e deportivos. Durante os meses de marzo, abril e maio
terán lugar as clases de maquillaxe e coidado persoal, iniciación á xoiería e
bisutería, elaboración de xabóns artesanais, arte floral, danza oriental,
chikung–taichi, creación de complementos, cociña para principiantes, así como a
continuidade dos cursos de cociña xa iniciados.
Para poder levar a cabo estas
actividades será preciso un mínimo de 15 alumnos inscritos en cada unha delas.
Formación
Por outra banda o Concello de Ordes tamén ten aberto xa o prazo para
asistir a diversos cursos de formación. Ante a demanda rexistrada, as clases de
informática acadan a maior parte deste programa. É
imprescindible que cada unha destas actividades conte cun mínimo de 10 alumnos matriculados
para poder iniciar as clases.
O Concello de Ordes ofrece unha serie de bonificacións en todas estas
actividades para aquelas persoas interesadas que teñan un grao de discapacidade dun 33% como mínimo, para maiores de 65 anos, así como para os que proveñan de
familia numerosa. Os pagos poderán realizarse nunha única cuota ou de xeito
fraccionado.
Para apuntarse basta con entregar a ficha de inscrición que se obterá no
consistorio e unha fotocopia do DNI. Para máis información pódese chamar ao
teléfono 981 680 002 ou mesmamente solicitala no departamento de Cultura e
Deporte.
*
