Alejandro Fernández e Águeda Ofelia Blanco, gañadores da XVII Carreira Popular Concello de Ordes

Saída da categoría absoluta; no medio da imaxe, Alejandro Fernández, gañador da proba.

A edición deste ano contou coa colaboración de La Caixa, Gadis, Nutrexpa, Carnicería Enrique, Estrella Galicia, Coca Cola, Feiraco, Sportec, Deportes Capitán, Seguros Reale e Asesoría e Seguros Jaime Castro

Máis de 500 atletas de todas as idades chegados das catro provincias galegas participaron o pasado domingo na XVII Carreira Popular do Concello de Ordes. Unha cita  que cada ano congrega no centro da vila a milleiros de persoas entre participantes e público.

A distancia dos circuitos variou según a categoría, indo dende os 500 metros dos competidores baby e prebenxamín, os 1.000 metros das categorías benxamín e alevín, os 3.000 metros das categorías infantil e cadete, e os 9.500 metros das categorías xuvenil, junior, promesa, senior e veteráns. Nesta edición houbo trofeos para os tres primeiros clasificados de cada unha delas, así como para os tres primeiros homes e mulleres das probas xuvenil, junior, promesa e senior e tamén para os veteráns. Quenes tamén levaron trofeo foron os tres primeiros clasificados do municipio na proba absoluta (xuvenil, junior, promesa, senior e veterán), ó participante máis xoven  e ó máis veterán.

Saída da proba infantil.

Premios

No referente ós premios en metálico entregáronse en total case 1.000 euros. No caso dos cheques individuais ascenderon a 150, 80 e 50 euros para homes e mulleres na carreira absoluta. Por equipos os cheques asecenderon a 150, 100 e 50 euros para os tres primeiros clasificados da mesma proba. Unhas cuantías que se repitiron no caso dos equipos procedentes do mesmo municipio.  Ademais houbo un premio especial de 150 euros para o centro académico de Ordes con maior número de corredores, que recaiu no CEIP Castelao. 

A mesma cantidade recibiu o Club Atletismo Ordes como premio  especial ós clubes municipais participantes. Pero non só ós equipos de Ordes se lles brindou un premio especial en metálico, o Atletismo Coruña Comarca, Atletismo Sar-Poutada e o Club Atletismo Milladoiro recibiron 150, 100 e 50 euros respectivamente.

Águeda Ofelia Blanco, María del Carmen Penas e Inma Rodríguez, gañadoras da proba absoluta, xunto á tenente de alcalde do Concello de Ordes, Silvia Marín.

Clasificación

CATEGORÍA BABY (nenos)

1º Xabi Souto López

2º Iván Sánchez Estévez

3º Mauro Rivadulla Rivadulla

CATEGORÍA BABY (nenas)

1º Candela Gende Iglesias

2º Ana Regos Pereiro

3º Xoana Méndez González

CATEGORÍA PREBENXAMÍN (nenos)

1º Rodrigo Sanjurjo Rivas

2º Hugo Dopazo Marta

3º Álvaro Arias Ferreiro

CATEGORÍA PREBENXAMÍN (nenas)

1º Sonia Rivadulla Blanco

2º Ingrid Sande Otero

3º Gloria Iglesias Grobas

CATEGORÍA BENXAMÍN (nenos)

1º Daniel Regueiro Pallas

2º Xoel Lorenzo Colinas

3º Ephrem Canal Piñón

CATEGORÍA BENXAMÍN (nenas)

1º Tania Villasenín Bello

2º María Pena Ferreiro

3º Lucía Rey Gende

CATEGORÍA ALEVÍN (nenos)

1º Leonardo Guazzone Mariño

2º Adrián López García

3º Diego Martínez Rivas

CATEGORÍA ALEVÍN (nenas)

1º Elena Rodríguez Otero

2º Daniela Eiras León

3º Sara Míguez Pais

CATEGORÍA INFANTIL (nenos)

1º Pablo Monteagudo Lago

2º Brais Insua regueira

3º Leo Cendán Malingret

CATEGORÍA INFANTIL (nenas)

1º Lucía Suárez Crespo

2º Amara Fontao Saavedra

3º Antía Paz carracedo

CATEGORÍA CADETE (nenos)

1º Tariku Novales Ordax

2º Adrián Freire Gil

CATEGORÍA CADETE (nenas)

1º Cristina Deus García

2º Noelia Candal Vilanova

CATEGORÍA XUVENIL (homes)

1º Xosé María Mayo Figueroa

2º Damián Martínez Sánchez

CATEGORÍA XUVENIL (mulleres)

Baleiro

CATEGORÍA JUNIOR, PROMESA E SENIOR (homes)

1º Jorge Crespo Arias

2º José Alfredo Amado González

3º David Santos Domínguez

CATEGORÍA JUNIOR, PROMESA E SENIOR (mulleres)

1º Marinela Mayo Caamaño

2º Iria Soto Iglesias

3º María Romero Ferreiro

CATEGORÍA VETERÁNS A (homes)

1º Manuel Oliver Pérez López

2º Ramón Serantes Gómez

3º Samuel Veiga Iglesias

CATEGORÍA VETERÁNS A (mulleres)

1º Purificación Fernández Campos

2º Victoria Fernández García

3º María Elena Míguens Otero

CATEGORÍA VETERÁNS B (homes)

1º Ángel José Rodríguez López

2º Emilio Martínez Anta

3º Juan Carlos Fernández Castro

CATEGORÍA VETERÁNS B (mulleres)

1º Purificación bermúdez Turnes

2º Isolina Bernárdez Pájaro

3º Beatriz González Senín

CATEGORÍA VETERÁNS C (homes)

1º Jose Pedro Rilo Pena

2º Sergio Rodrígez Rodríguez

3º José Ramón Garabato Quintáns

CATEGORÍA VETERÁNS C (mulleres)

1º Pilar Marquiz Hernández

2º Lina Fuentes Noya

3º Francisca Romasanta Parada

CARREIRA ABSOLUTA (homes)

1º Alejandro Fernández Rivera

2º Rubén Caamaño Nieto

3º Juan Pena Holguín

CARREIRA ABSOLUTA (mulleres)

1º Águeda Ofelia Blanco Pérez

2º María del Carmen Penas Blanco

3º Inma Rodríguez Ferreiro

PARTICIPANTES LOCAIS CARREIRA ABSOLUTA (mulleres)

1º Carlos Fernández Villaverde

2º Juan Carlos Rodríguez Queija

3º Xosé Manuel Boquete Casas

PARTICIPANTES LOCAIS CARREIRA ABSOLUTA (mulleres)

1º Luisa Calvo Germales

PARTICIPANTE MÁIS XOVEN

Xan Rodríguez Iglesias

PARTICIPANTE MÁIS VETERÁN

José Neira Hermida

Os gañadores en categoría absoluta, Alejandro Fernández, Rubén Caamaño e Inma Rodríguez, xunto a Silvia Marín.

Patrocinadores

Para levar a cabo esta XVII edición da Carreira Popular o Concello de Ordes conta coa colaboración de La Caixa, Gadis, Nutrexpa, Carnicaría Enrique, Estrella Galicia, Coca Cola, Feiraco, Sportec, Deportes Capitán, Seguros Reale e Asesoría e Seguros Jaime Castro.

*

Cerca de 200 cabalos déronse cita na II Xuntanza Cabalar de Ardemil

Os participantes disfrutaron tamén dunha gran churrascada

A parroquia ordense de Ardemil celebrou a II xuntanza cabalar durante os pasados martes e mércores. Dúas xornada que presentaron un elevado número de visitantes e participantes, superando con creces o centenar de exemplares inscritos nas distintas probas. Os organizadores e xinetes tamén disfrutaron dunha gran churrascada no día de  hoxe, antes do comenzo da exhibicións de andadura e os xogos de barrís.

*

Obradoiros ó aire libre de baile e música marcan o inicio das celebracións das IV Noites de tasca

O gaiteiro de Taramundi Manuel Enríquez Fernández, presentou o seu novo libro-CD no Museo do Traxe Juanjo Linares

Os actos de celebración do cuarto aniversario de Noites de tasca arrancaron na tarde do pasado martes en Ordes con dous obradoiros de baile e gaita ó aire libre. Acompañados polo bo tempo e as altas temperaturas, a Alameda ordense e a explanada situada nas inmediacións do Museo de Traxe Juanjo Linares serviron de improvisados escenarios. En ambos espazos os integrantes do Grupo de Gaitas Os Viqueiras de Ordes e as asociacións Sementes da Arte e Camiño Real de Poulo levaron a cabo un obradoiro de gaita e baile no que participaron tanto os seus integrantes como moitos veciñas e veciños.

Gaitas

Ás 20:30 horas o salón de actos do Museo do Traxe acolleu a presentación do novo libro-CD ‘Nela de Bres’ por parte do gaiteiro de Taramundi, Manuel Enríquez Fernández. Un acto que contou coa presenza de Ramón Vázquez, concelleiro de Cultura de Ordes, quen lle fixo entrega dun pequeno agasallo en nome do Concello. Vázquez tamén lle brindou unhas palabras de agradecemento “por ter escollido o Concello de Ordes nunha data tan sinalada para a presentación deste novo traballo”. Un libro de carácter biográfico que fai un percorrido pola súa biografía e polo seu repertorio. 

Galicia e Asturias

Tal e como explicou no acto o gaiteiro Raúl Galego “en nela condénsanse unha serie de carácterísticas e virtudes propias da zona dos Ancares, Fonsagrada e Taramundo entre outras poboacións. Un espazo onde se funde a tradición musical galega coa asturiana. ‘O vals de Taramundi’, ‘Muiñeira de Alejandro das Neves’ ou a ‘Jota de patricio’ son algunhas das 24 pezas que aparecen no CD que acompaña a obra.

Noites de tasca

Noites de tasca é unha iniciativa desenvolvida polo grupo de gaitas os Viqueiras de Ordes, que cada semana ofrece un recital de música e baile tradicional en diversos establecementos da comarca, contando coa participación de distintos grupos chegados de todas as provincias galegas e incluso de Asturias.

Participantes

Para unha celebración tan especial, dezaseis bares e restaurantes da vila de Ordes contaron nesa mesma noite coa actuación dun intérprete, grupo musical ou agrupación folclórica.  Estas foron: Caivanca, Camiño Real de Poulo, Flor da Maquía, Sarillo de Aiazo, Acordeonistas de Lesta, Xentiña de Trazo, Somos Nós, Faiscas da Pontraga, Grupo de Gaitas os Viqueiras de Ordes, Contracocheno, Manuel Viqueira, Manuel Enríquez ‘Nela’, as Pandereteiras das Encrobas, Embruxos de Leira, Escola de Música Tradicional de Mesía, Os Xeitosos de Trazo, Raúl Galego ‘O Gaiteiro Nubeiro’, Os Reiceiros da Pontecarreira e a as Pandereteiras de Cerceda. A organización tamén organizou unha gran foliada entre todos a partir da media noite na cervecería Islia. 

*

Unha campaña publicitaria convidará aos camioneiros a transitar pola ronda leste

O pleno municipal do mes de maio celebrouse coa ausencia do alcalde, Manuel Regos.

O pleno municipal aproba a moción nacionalista de limitar o tráfico pesado pese ás abstencións de UxO e PP

Os socialistas ven aprobado o seu plan estratéxico de reactivación do sector textil

*O pleno municipal da corporación municipal do Concello de Ordes correspondente ao mes de maio de 2012 está disponible en Radio Ordes a través deste enlace.


O pleno ordinario do mes de maio do Concello de Ordes iniciose na tarde do pasado xoves 31 coa moción do PSOE na que se solicitaba a elaboración dun plan estratéxico por parte da Xunta  de Galicia para a reactivación do sector textil na comarca. Os socialistas lembraron que dende 2008 lévanse perdido arredor de 500 postos de traballo entre autonómos e asalariados.

Na mesma moción tamén se demandaba a creación dun centro tecnolóxico avalado polo Igape con parte do presuposto non executado no último ano, que ascende a 113 millóns de euros. Según Xesús  Pedreira “a infraestructura existente en Ordes faría posible recuperar a producción xa que podemos ofrecer maior rapidez e unha maior especialización que os que se ofrecen noutros puntos de Asia ou Marrocos”. Outra das demandas que se reflexan no texto é que a Xunta de Galicia facilite a presenza de empresas galegas nos concursos de provisión do Sergas ou demais consellerías.

Pedreira tamén criticou o plan estratéxico posto en marcha pola Xunta para o sector no ano 2010 “xa que non é eficiente dada a cantidade de empregos que se perderon”. Este aspecto foi rebatido polos concelleiros do PP quenes aseguraron que de saír adiante a iniciativa sería incurrir nun gasto innecesario para a Administración Pública.

Pola súa banda, o equipo de Goberno apoiou dita moción argumentando que se trata dun investimento nun sector estratéxico para Ordes. Unha idea compartida por BNG e CideGa. Ó final a moción foi aprobada cos votos a favor de todas as formacións políticas, agás cos do PP que se abstiveron.

Beirarrúas e aparcamentos

A segunda das mocións presentadas polos socialistas facía referencia á recuperación de beirarrúas e zonas de aparcamento en certos tramos da avenida Alfonso Senra. Unha solicitude que foi apoiada unánimemente e que deberá ser aprobada por Demarcación de Carreteras e o Ministerio de Fomento. Pedreira asegurou que o proxecto é máis que factible grazas á disminución do tráfico pesado que traerá a apertura da recentemente inaugurada rolda leste. Dende as filas socialistas tamén se asegura que Fomento xa ten un proxecto que contempla ditas demandas e que avala as súas espectativas.

Nesta ocasión os nacionalistas non viron prosperar a moción pola que se solicitaba que a Igrexa abonase o IBI polas súas propiedades. Según o seu voceiro, Gonzalo Castro, esto suporía preto de 30.000 euros anuais nas arcas municipais. Os votos a favor de BNG, PSOE e CideGa non foron suficientes ante a negativa de PP e UXO quenes se opouxeron a súa urxencia polo que nin sequera se chegou a debatir. Este feito motivou as críticas do portavoz nacionalista que afirmou que “a dereita ordense está a favor dun sistema fiscal totalmente inxusto, que mantén privilexios anacrónicos como a exención do pago do IBI ás confesións relixiosas, mentres se sube ese mesmo imposto aos veciños e veciñas de Ordes nun 23%”.

Ensino público

A que sí viron aprobada foi a súa moción en defensa do ensino público. Según explicou Gonzalo Castro a aprobación do RD Ley 14/2012 do 20 de abril suporá entre outros aspectos o aumento da ratio nas aulas, a desaparición das dúas modalidades de bacharelato, a non suplencia de baixas entre os docentes, o aumento do horario laboral entre os mestres e profesores e un empeoramento das condicións e dos ciclos de FP.

Un texto que se viu complementado coa emenda presentada polo PSOE na que se solicita a eliminación transitoria dos complementos retributivos variables, ademais do aprazamento da actualización dos ciclos formativos de FP ó curso 2014-15. Pedreira asegurou que as medidas do RD 14/2012 suporán un “deterioro agudizado da ensinanza e da docencia” e que “non afrontan os verdadeiros problemas do sistema educativo”. O PSOE tamén solicitou a presentación ante o presidente do Goberno de España e da Xunta de Galicia dun recurso de invasión de competencias con respecto ó Goberno autonómico. Algo tamén compartido polos representantes do BNG.

A tenente alcalde, Silvia Marín, apostou tamén pola flexibilidade do ensino según as características e idiosincrasia das Comunidades Autónomas. Marín tamén destacou a importancia de “apoiar o ensino público e investir na súa calidade máis que nos centros concertados”. Pola contra o PP negou todos os puntos criticados e destacou a política de diálogo cos representantes de cada Comunidade Autónoma. Para xustificar a súa postura aportou cifras referente ó abandono escolar, situándoo nun 23% na época do bipartito e nun 20,8% dende que chegaron ó poder. Ó final todas as formacións, agás o PP, votaron a favor desta medida.

Vehículos pesados

O Pleno tamén aprobou a moción do BNG na que se propoñía instar ao Ministerio de Fomento a limitar o tráfico dos vehículos pesados, que circulen en dirección A Coruña ou Santiago, no tramo da N-550 que discurre polo centro da vila de Ordes, ao existir xa a alternativa da recentemente inaugurada ronda leste. Tanto PSOE como CideGa apoiaron a iniciativa mentres que PP e UXO  se abstiveron.  

O Goberno xustificou a súa postura argumentando que non teñen potestade legal para facer tal prohibición, aínda que xa se mantiveron varias xuntanzas co Ministerio de Fomento para tratar este punto. O acordo alcanzado pasa por mellorar a sinalización que indique o desvío de acra ó novo vial, ademáis de emprender unha campaña informativa co reparto de octavillas entre os camioneiros e transportistas.

Rotonda da Gorita

No caso do Partido Popular presentouse unha moción en relación á rotonda da Gorita en dirección á parroquia de Buscás. Según os populares a construcción dun muro perimetral nas súas inmediacións reduce a visibilidade e a seguridade. Os populares demandaban a regularización da titularidade da parcela e da súa permuta dados os problemas acontecidos co propietario, así como o derrubamento de dito muro e a correción de erros toponímicos que presentan as sinalizacións. A este respecto Silvia Marín explicou que o non alcanzar un acordo de permuta co propietario dende o Concello xa se ten iniciado un expediente de expropiación forzosa.

A decisión final pasa por instarlle ó alcalde a que acade unha solución o antes posible con respecto a este tema, e que expropie o antes posible xa que se ten iniciado o procedemento. Os votos a favor viñeron da man de BNG, PP e CIDEGA, mentres que o PSOE se abstivo e UXO votou en contra.

Rogos e preguntas 

No apartado de rogos e preguntas destacou o interés do BNG por mellorar a ilumninación e sinalización do paseo Iván Raña, un aspecto que o Concello xa abordou co Ministerio de Fomento e que en breve estará solventado. Ramón Vázquez, edil de Cultura, tamén explicou que os abonos a entidades e organizacións culturais e deportivas xa se está levando a cabo e que en breve se darán a coñecer as bases de axudas, xa que actualmente se están realizando unha serie de variacións con respecto ás do ano pasado. 

En referencia á situación do PXOM, o Concello xa lle ten remitida a documentación adicional solicitada pola Xunta, polo que están en situación de espera para que sexa aprobado. Seguindo coas obras o edil de urbanismo, Roberto González, explicou que as obras que actualmente se están cometendo na piscina municipal ubicada no Campo da Feira están sendo executadas pola Xunta e están incluidas nos orzamentos do ano pasado. Éstas consisten nunha mellora da canalización do río Mercurín que transcurre por baixo de ditas instalacións.

No caso do PSOE a primeira das súas cuestións versou sobre a instalación da zona azul na rúa do Recreo, que se instalará unha vez rematen definitivamente as obras. A día de hoxe o Concello aínda está pendente de que remate o recubrimento do alcantarillado. Por parte do Goberno aceptouse tomar en consideración este rogo para iniciar o procedendo da ordenanza municipal de ocupación de beirarrúas. Un tema que, según Xesús Pedreira, está a provocar moitas protestas veciñais sobre todo na Rúa Muíño.

No caso dos populares explicóuselles que dende Demarcacións de Carreteras levarase a cabo a mellora da rotonda que enlaza a N 550 coa estrada de Cerceda. No caso das deficiencias que presenta a rúa Campeiras, Marín explicou que o periodo de garantía está sen concluir e que o Concello non devolverá o aval ata que estén subsanadas. En referencia ós programas e axudas do Plan Míner todavía non se ten información de ningún tipo a pesar da insistencia e interés amosado polo Concello. 

Os populares tamén preguntaron polo local da xuventude. Para tratar o tema mantiveronse encontros con nais e pais de moitos mozas e mozos que se comprometeron a tantear a través das redes sociais o posible número de usuarios, estando o Concello pendente aínda de que se lles informe ó respecto. O partido Popular tamén puso de manifesto o seu descontento con Radio Ordes, medio que acusou de ser parcial e ofrecer información única e exclusivamente do Goberno Local. Por último tamén se aclarou que a pesar de non ter aínda unha data concreta este ano, tal como é habitual, tamén se celebrará a Festa da 3º Idade. 

*

Rocío Leire e Lara López, gañadoras do V Certame de Poesía Concello de Ordes

Nas categorías xeral e infantil, respectivamente 


As poetas Rocío Leire Castro e Lara López foron as gañadoras do V Certame de Poesía Concello de Ordes nas categorías xeral e infantil, respectivamente, que fallouse o pasado venres 25 de maio, con motivo do Día das Letras Galegas.


A continuación transcribimos os poemas gañadores, que podes escoitar a través dos seguintes enlaces de Radio Ordes: A península do meu amor e A lúa.

A península do meu amor (Rocío Leire Castro)

Ti eras, muller, como a palabra primeira pronunciada polo vento,

como o movemento perfecto dunha xesta de cristal,

como un poema do tempo prendido na eternidade.

Quixen obviar a túa pantasma

e deixarme atrapar pola fuga das horas descalzas,

como a vella exausta das danzas no caer da tarde.

Mirarte lentamente, muller, dende a península do meu amor,

dende a pola máis alta da fraga.

Mirarte sen facerche dano coas miñas pupilas,

e pronunciar o teu nome sen mancarme.

Sen deixar que a artillería das miñas palabras

en choupos pétalos mores do teu nome.

O teu nome, flor veloz da que brotan os estamios,

como fervenzas de auga doce que me empapa.

Porque agora teño resaca do teu corpo, dos teus pistilos,

en coros estraños, alzadeiros ocultos nos que encorar os meus soños.

As túas pegadas son os campanarios que me chaman a misa

e son tan curtos os momentos ao teu lado...

Non estaría mal que durasen máis que a propia vida.

Nas túas mans xa non son una boneca de louces matizada.

Agora o vento pinta orgasmos entre as pantasmas das árbores

e os anxos caen do ceo como estalacticas que impregnan o aire.

E ardo na túa casa de papel porque para negar o sol, ti es suficiente.

E falo da chuvia a través de ti, das túas bágoas.

Es coma subliñara nos beizos dun salgueiro que renace da seca.

Por iso agora me dedico a honrar o teu nome.

A exacular as madrugadas para inseminar en ti un novo día.

A lúa (Lara López)

A lúa brila no ceo

A lúa está moi cansa

A lúa enriba do mar

Ten os cabelos de prata.

Cobren as nubes do ceo

Cobren as ondas do mar

Cobras as cinco estreliñas

Que están de noite a xogar.

Xa remata a poesía

Xa me teño que marchar

Xa vou eu para a camiña

Eu xa me vou descansar.

*

Alfonso Senra condeou a Alcalá-Zamora por "estorbar el triunfo proverbial del Glorioso Alzamiento"

Ordessiete localiza a sentencia do Tribunal Rexional de Responsabilidades Políticas de 28 de abril de 1941


Alfonso Senra, ademais de dar nome a nosa principal avenida, é fillo predilecto de Ordes dende 1923

A continuación se transcribe íntegramente a sentencia:


DON FERNANDO RUIZ DEL ARBOL RODRIGUEZ, SECRETARIO DE LA ADMINISTRACION DE JUSTICIA Y DEL JUZGADO ESPECIAL DE EJECUTORIAS NUMERO TRES ADSCRITO A LA COMISIÓN LIQUIDADORA DE RESPONSABILIDADES POLÍTICAS.

Doy fe: Que en el expediente seguido para hacer efectivas las sanciones impuestas por responsabilidades políticas a D. Niceto Alcalá-Zamora y Torres, aparece entre otros particulares, la siguiente certificación:

Don Antonio Carrasco Cobo, Secretario del Tribunal Regional de Responsabilidades Políticas de Madrid.

CERTIFICO:
 Que el expediente número 105/1939 D. seguido de este Tribunal, se ha dictado la siguiente: -


-SENTENCIA.-

Nº 299.- Señores: Presidente.- D. Manuel Jiménez Ruiz.- Vocales: D. Fermín Lozano.- D. Alfonso Senra.- En Madrid a 28 de Abril de 1941.- Examinadas por este Tribunal Regional de Responsabilidades Políticas, constituido con los señores del margen, bajo la ponencia del Vocal Magistrado, las diligencias del expediente seguido contra D. Niceto Alcalá-Zamora y Torres, natural de Priego (Córdoba), de 63 años de edad, casado, abogado y vecino de Madrid; y 


-RESULTANDO- que de lo actuado aparece probado y así se declara, que el referido expedientado fue enemigo implacable de la Dictadura del General Primo de Rivera, y quien por su elocuencia y su posición política de ex-ministro de la Monarquía batió más eficazmente a esta Institución. Implanta la República, obtuvo como premio a su campaña antimonárquica, la Jefatura del Gobierno Provisional primero y la Presidencia de la República después, permaneciendo en este cargo desde 1931 a 1936. Sus errores, torpezas y desaciertos fueron en tal número y magnitud que puede estimársele como de los principales responsables, por acción y omisión, de haber forjado la subversión roja, haber contribuido a mantenerla viva durante más de dos años y a estorbar el triunfo providencial del Glorioso Alzamiento.


Concretándose su responsabilidad, en los periodos históricos y actos más destacados siguientes: Su actitud de eficacia decisiva en la solución de impunidad dada a la revolución roja en octubre del año 1934; la sanción del Decreto de convocatoria de elecciones para Diputados a las Cortes del año 1936; sostener en la prensa de París, y concretamente en el Diario "L'Ere Nouvelle" una campaña difamatoria de los ideales inspiradores del Glorioso Movimiento Nacional, que por las circunstancias del lugar y tiempo, y por la significación política de su autor, hubo de ser perjudicialísima a la Causa patriótica y asaz perniciosa, y por último su permanencia en el extranjero desde antes del 18 de julio de 1936 hasta el momento presente, en prueba irrefutable de su animadversión hacia el contenido de los principios inspiradores del Alzamiento salvador de la Patria.- 


RESULTANDO que en la sustanciación de este expediente se han observado las prescripciones que lo regulan, a excepción del plazo señalado para su terminación, que ha sido rebasado por la necesidad de practicar algunas diligencias imprescindibles, se ignora si el expedientado tiene o no a su cargo hijos menores edad. Como de su propiedad se le reconocen bienes muebles, inmuebles y valores y metálico, que suman unos seis millones de pesetas.- 


CONSIDERANDO que los hechos expuestos en el primer resultado de esta sentencia son constitutivos de la responsabilidad política sancionada por el artículo primero y los apartados F), E), L) y M) del cuarto, con la concurrencia de la circunstancia agravante establecida en el párrafo primero del artículo séptimo, todos de la ley de 9 de febrero de 1939. - 


CONSIDERANDO que tales hechos revisten caracteres de gravedad extraordinaria habida cuenta de la actuación del inculpado de tanto relieve y resonancia, de oposición a los más elementales principios de orden y todo cuanto significase amor a España, que aconsejan hacer al Gobierno la propuesta que señala el artículo noveno de la ley antes mencionada, de pérdida de su nacionalidad española, y aplicar las sanciones comprendidas en los tres grupos del Artículo 8º de la misma.


CONSIDERANDO que de conformidad con el párrafo segundo del artículo 13 de citada ley la cuantía de la sanción económica se fijará teniendo en cuenta no sólo la gravedad de los hechos apreciados, sino, principalmente, la posición social y caudal del expedientado y las cargas familiares que legalmente esté obligado a sostener.


VISTO los artículos citados y concordantes.


FALLAMOS: Que debemos ordenar y condenamos a D. Niceto Alcalá-Zamora y Torres a las sanciones económicas de pago de 50 millones de pesetas, que comprende la totalidad de sus bienes; extrañamiento durante quince años; y proponer al Gobierno acuerde la pérdida de su nacionalidad española de conformidad con lo prevenido en el artículo noveno de la ley de 9 de febrero de 1939; y subsidiariamente, para el caso en que ésta última no se acordase, la inhabilitación absoluta por quince años; que se harán efectivas en la forma dispuesta en la Ley ya citada de 9 de febrero de 1939, en relación con el Código penal común, adoptando para ello las medidas pertinentes.- Notifíquese esta sentencia al expedientado mediante edicto que se insertará en el Boletín Oficial, en atención a ignorarse su actual paradero.- Así por ésta, nuestra sentencia, votada por unanimidad, lo pronunciamos, mandados y firmados.- M. Jiménez Ruiz.- Fermín Lozano.- A. Senra.- Rubricados.

Y para que conste y unir al rollo, expido el presente que firmamos en Madrid a 28 de Abril de 1.941.-
Antonio Carrasco Rubricado.

Lo relacionado es cierto y lo inserto corresponde con su original al que me remito y para que conste, en cumplimiento de lo mandado, expido el presente, que firmo en Madrid a 28 de Diciembre de 1.950. 

*

Aberto o prazo de inscrición para a XXXIV Xuntanza de Maiores

O Concello porá a disposición dos interesados un autobús para acudir a este encontro que terá lugar no Carballiño o vindeiro 9 de xuño

Ata o próximo 7 de xuño, o departamento de Servizos Sociais do Concello de Ordes manterá aberto o prazo para asistir á XXXIV Xuntanza de Maiores, que terá lugar o próximo 9 de xuño na localidade do Carballiño (Ourense). 

O programa para ese día inclúe un concerto de banda, entrega de agasallos e comida campestre. A xornada de convivencia, organizada pola Delegación Territorial da Xunta de Galicia en Ourense, dará comezo ás 10.30 horas e finalizará ás 20:00 horas. Os interesados en acudir disporán dun servizo de autobús por un prezo de tres euros.

     

*

O Concello recollerá o papel e cartón dos comercios de Ordes

Poderase depositar na porta de cada establecemento cada día antes das 15:00 horas 

O plan está dirixido ós establecementos do municipio e entrará en funcionamento na primeira semana de xuño

O Concello de Ordes porá en marcha a partir do próximo mércores 6 de xuño un novo sistema de recollida selectiva porta a porta de papel e cartón. Eco Comercio, que é o nome que se lle da  a esta iniciativa medioambiental, está exclusivamente orientada ós establecementos comerciais do municipio así como ós postos de venda ambulante que cada mércores se instalan no Campo da Feira.

Para poder facer uso deste servizo basta con depositar na porta de cada establecemento o papel e cartón sobrante antes das 15:00 horas. É importante que os residuos non obstrúan a vía pública e que estén perfectamente apilados e atados. No caso dos vendedores ambulantes habilitaranse uns puntos concretos no Campo da Feira par tal fin.

Eco Comercio é unha iniciativa desenvolvida pola concellería de Medio Ambiente do Concello de Ordes que pon a disposición dos comerciantes da vila de xeito totalmente gratuito.

*

Máis de cen inscritos na II Xuntanza Cabalar de Ardemil

Celebrarase esta fin de semana a partir do venres ás 20:00 horas

Aberta a inscrición ata o comeo de cada proba no teléfono 630199594 e 696843590 

A parroquia ordense de Ardemil celebrará esta próxima fin de semana a II Xuntanza Cabalar, que ata o día de hoxe xa conta con máis de cen exemplares inscritos. Este encontro, que se desenvolove coa colaboración do Concello de Ordes e onde os cabalos e bestas son o principal atractivo, arrancará o próximo venres 1 de xuño a partir das 20:00 horas. Unha xornada onde se contará coa actuación do cantante Mario e cunha degustación de panceta gratis para todos os asistentes.

Ao día seguinte o recinto feiral abrirá as súas portas ás 08:00 horas. A partir das 10:00 horas disputarase o concurso de mellor besta cruzada e ás 11:00 horas terá lugar o de mellor cabalo cruzado. Ás 16:00 horas arrancarán os xogos de barrís e ás 17:00 horas a exhibición de andadura. Nesta proba tamén desfilarán moitos dos participantes e premiados no Campionato Galego de Andadura. Tamén está prevista unha gran churrascada e regalos sorpresa para os participantes e asistentes. En caso de chuvia instalarase unha carpa.

Co fin de acadar o maior número posible de participantes os organizadores manterán aberta a inscrición ata minutos antes do  comezo de cada proba. Non obstante se o prefiren poderán apuntarse con antelación chamando ós teléfonos 630 199 594 e 696 843 590.

*

Aberto ata mañá o plazo para participar nos campamentos do verán da Deputacióm

O Concello de Ordes tramita as inscricións e este ano o programa inclúe actividades como volei praia, vela, tenis, golf e visitas culturais 

Ata o próximo venres 1 de xuño o Concello de Ordes manterá aberto o prazo para inscribirse nos campamentos deportivos 2012 organizados pola Deputación da Coruña e dirixidos a rapaces e rapazas de 9 a 13 anos.

Golf, vela de cruceiro, tenis, volei praia, visitas culturais guiadas pola Coruña e comarca, xogos cooperativos e de praia, ou as olimpiadas de paz son algunhas das actividades previstas para este verán. O colexio Calvo Sotelo, ubicado na Coruña, servirá de aloxamento para todos os participantes. Realizaranse tres quendas que se distribuirán según o concello de procedencia dos participantes e que no caso de Ordes será durante a semana do 8 ó 14 de xullo. A cuota de inscrición ascende a 85 euros e inclúe o transporte interno, estadía, manutención, así como os gastos derivados das actividades programadas.

Todos os interesados poden pasar polo departamento de Cultura e Deportes para formalizar a súa reserva de praza. Para elo deberán entregar unha ficha que se facilitará no departamento de Cultura e Deporte cos seus datos persoais. 

Tamén é preciso unha foto tipo carné, unha fotocopia da tarxeta sanitaria, outra do carné de identidade ou do libro de familia, copia do pagamento das cuotas así como un xustificante médico si se precisase algún tratamento específico. No caso de que o número de solicitantes sobrepase o de prazas ofertadas éstas asignaríanse mediante sorteo.

*

Francisco Caamaño busca apoios á súa candidatura na nosa comarca

O encontro socialista tivo lugar no bar Casa Noya, en Agro do Mestre (Trazo).

O socialista reuníuse con máis de oitenta veciños e militantes, entre os que se encontraba o voceiro do PSdG-PSOE de Ordes, Xesús Pedreira

Máis de oitenta veciños e militantes socialistas da comarca de Ordes reuníronse hoxe en Trazo con Francisco Caamaño, candidato á secretaría xeral provincial do PSdeG-PSOE.

O exministro mantivo tamén un encontro con varios dos concelleiros e portavoces municipais socialistas da comarca entre os que estaba o ordense Xesús Pedreira.

*

Cruz Vermella deu a coñecer en Ordes as ventaxas da teleasistencia

A cita tivo lugar esta tarde de onte no auditorio do Museo do Traxe Juanjo Liñares

Cruz Vermella Española levou a cabo onte en Ordes unha charla informativa co obxectivo de dar a coñecer o seu servizo de teleasistencia. En colaboración co Concello de Ordes, o encontro foi deseñado especialmente  para dar resposta ás dúbidas dos maiores da zona.

A teleasistencia é un servizo social de carácter preventivo dirixido especialmente ás persoas maiores, enfermos crónicos ou persoas con discapacidade. Está  operativo as vintecatro horas do día durante os 365 días do ano. O obxetivo principal é mellorar a calidade de vida dos usuarios ao posibilitar que poidan vivir nos seus domicilios habituais durante más tiempo. 

Ante situacións de emerxencia

Este sevizo proporciona autonomía e independencia xa que ante cualqueira situación de emerxencia poden pedir axuda a Cruz Vermella pulsando un pequeño dispositivo. Ademais también se instala un aparato conectado á la línea telefónica e á toma eléctrica.

*

Debería Alfonso Senra en Ordes seguir o mesmo camiño que Millán Astray na Coruña?

Francisco Franco e Millán Astray, compadres.

Alfonso Senra, que participou na condea e perda da nacionalidade española de Alcalá-Zamora, é fillo predilecto de Ordes

A súa vinculación con Ordes únicamente debeuse ao interés do cacique comarcal Saturnino Aller porque ocupara a nosa praza no Congreso de Madrid

O Tribunal Superior de Xustiza (TSX) de Galicia ven de reafirmar a legalidade da retirada do título de fillo predilecto da Coruña ao militar Millán Astray Terreros (1879-1954), fundador da Lexión Española, quen logo de tomar parte activa na Guerra Civil no bando nacional formou parte das Cortes franquistas e do seu Goberno como xefe de prensa e propaganda.   

A sala segunda do contencioso-administrativo do TSX desestima así o recurso interposto pola Asociación Cultural e Deportiva de Veteráns da Lexión logo dun proceso xudicial cheo de controversias. Os feitos deron comezo o 3 de agosto de 1922, cando o pleno municipal da Coruña outorgou a distinción ao militar. Varias décadas máis tarde, coa entrada en vigor da Ley 52/2007 da 'memoria histórica', o Goberno municipal bipartito PSdG-BNG retirou tal distinción, pero a súa filla, Peregrina Millán-Astray Gasset, recurriu a decisión ante os xulgados. 

Así, en agosto de 2011, o xulgado do contencioso-administrativo número 3 da Coruña doulle a razón á familia Astray, obrigando ao consistorio coruñés a repoñer a dignidade do militar porque, segundo a sentencia, o nomeamento acordouse en 1922, “catorce anos antes da sublevación”, polo que non sería de aplicación a citada lei de memoria histórica. A sentencia foi recurrida finalmente pola Comisión pola Recuperación da Memoria Histórica da Coruña en setembro desde mesmo ano nunha polémica decisión logo de que o Concello da Coruña decidira non presentar recurso ante aquela primeira decisión xudicial. Agora, o TSX dalles a razón e A Coruña deberá retirar definitivamente o título civil do militar franquista.

Alfonso Senra é fillo predilecto de Ordes dende 1923.

Alfonso Senra en Ordes

A situación en Ordes non é moi diferente á coruñesa. O 15 de agosto de 1923, unha corporación municipal moxigata e servil decidiu outorgar a súa maior dignidade, a de fillo predilecto, a un descoñecido avogado de Tui -fillo dun alcalde que fora de Vigo- e deputado en Madrid polo noso distrito de Santa María de Ordes. Un escaño que conseguira por designación directa da Xunta Provincial Electoral logo de acadar o apoio do cacique comarcal, Saturnino Aller. 

Este político patéticamente beneficiado polo viciado sistema lexislativo da época non foi outro que Alfonso Senra Bernárdez, a quen ademais a corporación municipal lle dedicaría, nese msmo acto, o nome da nosa principal avenida –por aquel entonces denominada rúa Real- como parte das prebendas servís ao descoñecido avogado e aos seus protectores.

Tribunal de Responsabilidades Políticas

Pero a posición política máis polémica de Alfonso Senra chegaria a finais da Guerra Civil, cando o réxime franquista o nomea vocal do Tribunal de Responsabilidades Políticas, un pavoroso corpo administrativo destinado a “reconstruir espiritual y materialmente la patria”. Así, a finais de abril de 1941, o fillo predilecto de Ordes asina o expediente de condea do presidente do Goberno de España durante a II República, Niceto Alcalá-Zamora, brilante xurista, republicano conservador e impecable demócrata. O fallo do tribunal do que Alfonso Senra formou parte condeou a Alcalá-Zamora ao pago de 50 millóns de pesetas “que comprende a totalidade dos seus bens” e así como á perda da nacionalidade española.

Cabe agora preguntarnos se é para nós unha honra contar con alguén así na nosa memoria histórica e na nosa dignidade como pobo, e se deberíamos seguir o mesmo camiño que tomou o Concello da Coruña para atallar do noso futuro as vergoñas do noso pasado.

*

O PP de Ordes reclama melloras na sinalización e na seguridade da rolda leste

Os populares presentarán iniciativas no Pleno para que o Concello corrixa as carencias que presentan as dúas rotondas do vial recentemente inaugurado 

En tan só un mes xa se teñen rexistrado accidentes na rotonda de enlace da rolda leste coa N-550 e coa estrada de Cerceda, aseguran dende o PP 

O Partido Popular de Ordes presentará no Pleno previsto para este xoves diferentes iniciativas  encamiñadas a mellorar a seguridade do trazado e a sinalización do último tramo da rolda leste, inaugurado o pasado 26 de abril.

O Grupo Municipal do Partido Popular instará ao Goberno local, a través dunha moción, a formalizar a permuta dun predio situado ao carón da rotonda da Gorita, de xeito que se poda eliminar un muro elevado que dificulta a visibilidade e afecta á seguridade viaria nesa zona.

Os populares de Ordes tamén trasladarán ao Pleno da Corporación outras iniciativas para instar ao equipo de Goberno local a mellorar a seguridade na rotonda que enlaza a rolda leste coa estrada Nacional -550 e coa de Cerceda, dado que pese que tan só transcorreu  un mes desde desde a entrada en servizo do novo vial xa se teñen producido accidentes neste punto. E o risco pode incrementarse exponencialmente en situacións meteorolóxicas adversas ou con escasa visibilidade.

Mellorar a sinalización

Ao tempo, o PP buscará un acordo para mellorar a sinalización da rolda leste, tendo en conta as situacións de confusión que se teñen producido entre condutores non familiarizados con esta zona.

A rolda leste de Ordes executouse en virtude dun convenio entre o Concello e a Xunta de Galicia. A Administración municipal encárgase de executar as obras, que son financiadas pola Xunta unha vez que o Concello presenta as correspondentes certificacións.

Martínez Sanjurjo.

As frases de José Luis Martínez Sanjurjo, portavoz municpal do Partido Popular de Ordes

“O pasado 26 de abril foi un día histórico para Ordes na medida en que entrou en servizo o derradeiro e máis necesario tramo da rolda leste, unha infraestrutura longamente agardada polos veciños e veciñas e financiada integramente pola Xunta de Galicia”

"Durante esa xornada restituíu a verdade en relación co financiamento da obra, pois acreditouse que mentres o Concello de Ordes bate récords de morosidade, a Xunta do Partido Popular sí paga puntualmente as súas facturas”

*