 |
| Os operarios de Rofaya, S.L. esta mañá en plena instalación da iluminación do Nadal. |
A empresa de electricidade Rofaya, S.L. asumirá todos os custes da instalación
O Concello de Ordes manterá acendido dende o
próximo 18 de decembro ata o 7 de xaneiro a iluminación de Nadal tanto a vila de Ordes como nas doce parroquias restantes.
Este
ano hai que destacar a colaboración por parte da empresa Rofaya, encargada da
instalación e mantemento do sistema eléctrico público de Ordes. Os responsables
desta firma veñen de asumir o custo xerado desta instalación, que correrá
íntegramente da súa conta.
Durante estes últimos días empregados da empresa
instalaron todos os sistemas e realizaron as comprobacións pertinentes para
dotar ó concello dunha decoración acorde coas festas que se aproximan.
As
principais rúas da vila contarán cunha ambientación propia, prestándose unha
especial atención naqueles puntos con maior presenza comercial, sen esquecerse
por elo doutras zonas de recreo como a Alameda e a igrexa parroquial
de Santa María.
Todo este sistema de iluminación verase incrementado con máis
módulos e unidades a partir do 5 de xaneiro, de cara á Cabalgata que traerá ata a vila de Ordes aos Reis Magos de Oriente.
 |
| Iluminación do Nadal na Casa do Concello durante as festas do ano 2008. |
Tecnoloxía LED
Este ano
os responsables da empresa Rofalla optaron pola instalación de tecnoloxía LED
combinada con bombillas tradicionais de baixo consumo, que non superan os 25 w.
Unha petición suxerida dende o mesmo consistorio co fin de reducir ó máximo o
custo económico derivado do consumo eléctrico, á par que se contribue na
preservación do medio ambiente.
*
