 |
| Os quince alumnos participantes no curso posan co alcalde de Ordes, Manuel Regos. |
O alcalde de Ordes, Manuel Regos, fixo hoxe entrega dos diplomas acreditativos do
Curso de Atención Sociosanitaria a Persoas no Domicilio. Un curso que dende o
pasado mes de xullo se viña desenvolvendo na aula adaptada ubicada no Mesón do
Vento.
Este proxecto formativo teórico e práctico contou cun total de 628 horas
de duración e nel participaron un total de 15 alumnos e alumnas. No desenvolvemento deste curso ademais do Concello
de Ordes tamén participou a Consellería de Traballo da Xunta de Galicia.
Entre os bloques temáticos
que figuraban no programa de estudos destacan as materias relacionadas coa
manipulación de alimentos, a hixiene persoal e a atención sanitaria
domiciliaria, a atención e o apoio sicosocial, a alimentación familiar no
domicilio, a inserción laboral, a igualdade de xénero ou a sensibilidade
medioambiental.
 |
| Manuel Regos, alcalde de Ordes. |
As frases de Manuel Regos, alcalde de Ordes
"Felicito a todos os participantes por acadar un novo título que lles axudará no
mercado laboral, así como polos coñecementos adquiridos”
“É unha satisfacción traballar con xente que tanto o
precisa como é o caso das persoas que presentan algún grao de diversidade
funcional”
*
