O portavoz
municipal do Partido Popular de Ordes, José Luis Martínez Sanjurjo, valorou onte positivamente a
inclusión da maior parte das propostas do PP local nun Plan de Obras e Servizos (POS) de 2013 consensuado por todos os grupos da corporación, financiado no 95% pola
Deputación da Coruña e que permitirá destinar 421.000 euros a diferentes obras
no medio rural do municipio, unha área pouco atendida polo Concello, malia que a xuizo dos populares, "estes veciños tamén pagan puntualmente os seus impostos".
No Pleno
extraordinario celebrado na mañá de onte para aprobar o POS 2013, Martínez Sanjurjo
recordou a “situación calamitosa” que presenta gran parte da infraestructura de
titularidade municipal, “abandonada á súa sorte desde hai anos, posto que Regos
decidiu darlle as costas as necesidades do rural gastando os cartos de todos nun novo Concello, na
ampliación da Alameda e na cafetería de luxo do campo de fútbol”.
A xuízo do
potavoz popular, a nova achega que a Deputación da Coruña destina a Ordes para
financiar o POS 2013 constitúe un alivio que permitirá reparar as principais
carencias da rede viaria municipal, con intervencións previstas e consensuadas
en todas as parroquias. “Pero sería mellor que o Concello deixase de gastar
tantos cartos en sí mesmo e gastase máis en arranxar as necesidades dos
veciños”, conclúe Sanjurjo.
 |
| Relación de obras por parroquias de Ordes acordado en Comisión de 17 de decembro e aprobado onte polo pleno. |
Propostas polo Partido Popular
O portavoz
local do Partido Popular de Ordes subliña que gran parte das obras incluídas
neste plan foron propostas polo seu grupo e son consecuencia do seguimento e coñecemento
do PP sobre a situación do municipio. Lamenta, sen embargo, que a delicada
situación económica do Concello limite as obras á partida da Deputación, dado
que para facer fronte a todas as necesidades propostas sería necesario duplicar
ou case triplicar o importe dispoñible.
De feito, as
próximas reunións do Grupo Municipal do PP cos veciños das parroquias están
previstas para o próximo venres 28 de decembro en Montaos; e posteriormente,
o domingo 30 de decembro en A Baixa de Ardemil e Mesón do Vento.
A frase de José Luis Martínez Sanjurjo, portavoz municipal do PP de Ordes
“O alcalde non volveu pisar as parroquias desde a campaña das municipais, e os restantes grupos teñen un coñecemento moi limitado da realidade de moitas das aldeas, mentres que o PP se mantén ao carón da xente a cotío, como queda de manifesto coa rolda de reunións informativas que está a celebrar en diferentes puntos do municipio”
*
