O BNG de Ordes anunciou onte que se
nos próximos cinco días o alcalde de Ordes non facilita ao Grupo Municipal do BNG o acceso aos
contratos do Concello coas orquestras que actuaron nas pasadas festas patronais,
acudirán ao xulgado para esixir responsabilidades por este comportamento, que,
segundo estes, ademáis de vulnerar a legalidade, constitue "un
exemplo máis da actitude antidemocrática do alcalde de Ordes".
Gonzalo Castro,
portavoz municipal do BNG, lembrou que “o BNG leva solicitado en reiteradas ocasións o acceso á información
sobre os contratos do Concello coas orquestas que actuaron nas festas patronais
do pasado mes de agosto, e o alcalde leva negando unha e outra vez esta
información”.
Castro salientou ademais que “hai que poñer punto final á
actitude despótica dun alcalde que pensa que o Concello é a súa finca privada”.
 |
| Gonzalo Castro (BNG). |
As frases de Gonzalo Castro, portavoz municipal do BNG de Ordes
“Os veciños teñen dereito a coñecer o custo dunhas festas, onde o alcalde non tivo reparo en contratar ás orquestras máis caras do país”
“A suba brutal dos impostos que están sufrindo os veciños de Ordes ten esta finalidade?"
"Mentres o alcalde négase a pagar 3.000 euros para sufragar unha cuberta para os nenos no colexio Castelao, non ten reparo en gastar sumas millonarias en orquestras, nunha clara mostra da súa falta de atención ás necesidades dos veciños”
*
