 | |
|
O seu presidente editor, Pedro Mouriño, e o letrado asesor, Renato A. Landeira foron acreditados como observadores internacionais no proceso electoral
Velaron pola calidade democrática de ata dez colexios electorais na area da capital ucraniana, Kiev
Unha
delegación de Mediasiete, empresa editora do xornal Santiagosiete e tamén deste
blog Ordessiete, ven de participar en calidade de observadores internacionais
nas eleccións lexislativas celebradas este pasado domingo 28 en Ucrania.
En
concreto, participaron como observadores internacionais o seu presidente
editor, Pedro Mouriño, e o secretario e letrado asesor de Mediasiete, Renato A.
Landeira, veciño este último de Ordes.
 |
| Imaxe dun dos colexios visitados nas aforas da capital do país, Kiev. |
Proceso electoral
Invitados
pola organización internacional Central European Group for Political Monitoring e acreditados ante a Comisión
Central Electoral de Ucrania, os delegados de Mediasiete puideron coñecer con detalle
o proceso electoral do país a través da visita e control de ata dez colexios
electorais na capital, Kiev.
O obxectivo destas observacións foi acreditar si as eleccións seguiron ou non os estándares europeos de calidade democrática e libre participación cidadá en procesos electorais.
O obxectivo destas observacións foi acreditar si as eleccións seguiron ou non os estándares europeos de calidade democrática e libre participación cidadá en procesos electorais.
 |
| O presidente de Mediasiete, Pedro Mouriño, durante a súa valoración das observacións ante a axencia de información internacional Interfax. |
Ucrania: entre Moscú e Bruselas
A importancia destas eleccións, que contou con máis de mil observadores internacionais espallados por todo o país, resulta crucial non só para o
destino desta exrepública soviética, senón tamén para o futuro da Europa
oriental, quen afronta situarse entre unha dualidade de intereses e influencias entre Bruselas e
Moscú.
Finalmente e sen que os observadores internacionais acreditados observaran ningún
tipo de incidencia nos colexios, as eleccións foron gañadas pola
coalición de partidos no poder, Partido das Rexións, do lider prorruso Víktor
Yanukovich, cun 28,1 % dos votos. En segundo lugar quedou Batkívshina, partido da
carismática e encarcelada exprimeira ministra prooccidental, Yulia Timoshenko,
cun 24,7 % dos votos.
 |
| De esq. a der. Alberto Casero, senador; Pedro Mouriño, Julio Bravo, concelleiro en Trujillo (Cáceres); e Renato A. Landeira, nun colexio electoral en Kiev. |
Observadores españois
Os
galegos coincidiron con outros observadores españois no proceso electoral ucraniano,
como o senador do Partido Popular Alberto Casero ou o exministro e presidente
da delegación socialista no Parlamento Europeo, Juan Fernando López Aguilar.
*
