 |
| Sinal de tráfico na rúa do Recreo. |
Xesús Pedreira: "Recibimos numerosas queixas de veciños que se golpearon contra estes sinais”
O PSOE de Ordes pedirá ao Concello que modifique a
altura dalgunhas sinais de tráfico da vila de Ordes para evitar accidentes
entre os peóns.
Trátase de sinais situadas en semáforos ou sobre os farois de
alumeado público que están situados a unha altura inadecuada, o que provoca que
moitos veciños choquen contra elas cando camiñan polas beirarrúas da vila de
Ordes.
O concelleiro socialista Xesús Pedreira explica
que “no partido recibimos numerosas queixas de veciños que se golpearon contra
estes sinais, sobre todo na rúa Galicia e na intersección da avenida de Alfonso Senra
coas rúas dos Lagartos e do Recreo”.
Pedreira explica que en todos os casos se
trata de “sinais situadas a baixa altura sobre a beirarrúa, ben colocadas nun
semáforo ben colocadas no alumeado público, o que provoca golpes case todos os
días”.
Para evitar esta situación, o PSOE de Ordes
solicitará no próximo pleno municipal que o Concello de Ordes tome as medidas
oportunas para proceder a cambiar todas estas sinais e recolocalas a unha
altura superior na que non sexan un risco para os peóns.
*
