 |
| De esq. a der., Xesús Pedreira, voceiro socialista de Ordes; Paula Fernández, senadora; e Antonio Morán, secretario de políticas sociais do PSOE de Ordes. |
Varios veciños denuncian que con 427 euros de pensión vense obrigados a pagar multas de case 3.000 euros
Santiago
Turiel e Antonio Becerra representan aos pensionistas retornados do noso municipio
O salón de plenos do Concello de
Ordes acolleu onte a preto dun centenar de pensionistas retornados
de Ordes que participaron na charla informativa sobre os impostos e as sancións
que a Axencia Tributaria está a impoñer sobre as pensións do estranxeiro,
organizada pola Agrupación Socialista de Ordes.
Unha xuntanza na que os
presentes acordaron participar na Plataforma de Afectados que se constituirá
formalmente o próximo luns 21 de outubro en Sigüeiro e na que escolleron
aos veciños Santiago Turiel Cid e Antonio Becerra Lamas, como os representantes
dos afectados do municipio de Ordes na plataforma.
"Delicuentes"
A senadora socialista Paula
Fernández Pena explicoulles aos presentes que “vós marchastes para cumprir coa
vosa xente e despois de toda unha vida de traballo agora vos din que sodes uns
delincuentes. É duro, porque vos tratan peor que aos delincuentes.
O ano pasado
houbo unha amnistía fiscal para personaxes como Bárcenas, traficantes, os da
Gürtel... por que non vos deron a vós a mesma opción? Pois porque non tendes
asesores fiscais e están facendo caixa con vós”.
Podes ver a intervención da senadora Paula Fernández no Senado de España o pasado 24 de setembro sobre este asunto, e a resposta do ministro de Facenda, Cristóbal Montoro:
Solucións
Durante algo máis de hora e
media, Paula Fernández respondeu ás preguntas e dúbidas dos presentes. Así,
explicoulles que “hai dous camiños para solucionar este problema e teñen que ir
á par. Por unha parte, o camiño político.
Iso correspóndenos a nós e faremos todo o posible no Parlamento Galego, no Parlamento Nacional e no Senado para que o Ministerio de Facenda busque solucións comúns.
Iso correspóndenos a nós e faremos todo o posible no Parlamento Galego, no Parlamento Nacional e no Senado para que o Ministerio de Facenda busque solucións comúns.
Pero máis importante aínda
é o camiño social. Se quedades na casa e non levantades a voz no ides facer
nada. Tendes que constituírvos en plataformas sociais e saír a defender os
vosos dereitos”.
“Unidos, as reclamacións serán
máis baratas”, explicou o secretario xeral dos socialistas de Ordes, Xesús
Pedreira, quen engadiu que “a unión fai a forza e, se estades xuntos,
conseguiredes cando menos a devolución do importe das sancións e dos intereses
de demora”.
Problema dende 2008
A senadora socialista tamén
lamentou que “o PP vote unha cousa en Santiago e outra diferente en Madrid”, xa
que a moción que presentou no Senado “é idéntica á aprobada por todos os grupos
do Parlamento Galego e en moitos Concellos de Galicia, pero foi votado en
contra polo Partido Popular. Incluída a ducia de senadores galegos do PP”.
Durante a xornada, varios
pensionistas retornados explicaron os seus casos. Veciños que con 427 euros de
pensión vense obrigados a pagar multas de case 3.000 euros, ao que hai que
sumar as cantidades correspondentes aos exercicios entre 2008 e 2012.
Neste
sentido, Paula Fernández puxo o exemplo dunha veciña de Lalín que cobra 12.000
euros anuais e á que lle reclaman 15.000 euros.
*
