 |
| Roberto Vidal Bolaño (1950-2002) |
Co gallo do Día das Letras Galegas que se celebra cada 17 de maio
Co gallo do Día das Letras Galegas que se
celebrará o 17 de maio, o Concello de Ordes ten previstas distintas
actividades. A máis destacada é a exposición sobre Roberto Vidal Bolaño,
dramaturgo, director e actor de teatro a quen se lle dedica este ano.
A
mostra contará cunha serie de paneis onde os visitantes e ususarios da
biblioteca poderán ver imaxes e realizar un percorrido sobre a vida e obra
deste autor compostelán falecido no ano 2002.
Tamén se exporán as obras e
documentos que o espazo posúe sobre o autor.
Obradoiros
Por
outra banda tamén se levarán a cabo dous obradoiros dirixidos aos máis novos e
novas do municipio, e cos que se pretende ensalzar a figura de Vidal Bolaño á
par que se realiza unha actividade lúdica para realizar en grupo. Os nenos e
nenas de 3 a
6 anos contarán cun obradoiro de marcapáxinas
que se desenvolverá na mesma biblioteca o día 15 a partir das 18 horas.
Por
outra banda os rapaces e rapazas de 7
a 12 anos teñen a oportunidade de asistir ao obradoiro
de plastilina que terá lugar na biblioteca o día 16 ás 18 horas. Unha
actividade na que colabora a Consellería de Cultura a través do seu programa
‘Ler conta moito’.
Os interesados deben inscribirse ata o 10 de maio
como data límite, tendo en conta que as prazas serán adxudicadas por rigurosa orde
de inscrición xa que son limitadas. Para obter máis información basta con
solicitala no Departamento de Cultura e Deportes do Concello de Ordes, situado no
primeiro andar da Casa do Concello, ou ben a través dos teléfono 981
680002 e 981 681992.
*
