O secretario do PSOE de Ordes solicita unha reunión urxente cos voceiros da Corporación municipal
A medida obrigará a trasladarse á Coruña para trámites xudiciais
O grupo municipal socialista do Concello de Ordes
pediu este mañá unha reunión urxente dos voceiros da Corporación municipal para
analizar e tomar medidas sobre a Lei de Demarcación e de Planta Xudicial,
adoptada no último Consello de Ministros e que prexudica moi gravemente os
intereses sociais e económicos de Ordes.
O secretario xeral dos socialistas
ordenses, Xesús Pedreira, considera que “se cumpriron as nosas peores
expectativas e, tal e como advertiramos en novembro de 2013 e en maio de 2012,
o ministro Gallardón quere eliminar o partido xudicial de Ordes, o que suporá
unha significativa perda para a hostalería e para o comercio ordense, ademais
de dificultar o acceso á Xustiza dos veciños e veciñas de Ordes”.
En maio de 2012, a proposta dos socialistas de Ordes e por acordo unánime de todos os grupos municipais, o Concello de Ordes requiriulle ao Consello Xeral do Poder Xudicial que mantivese Ordes como partido xudicial, ao tempo que instaba ao Ministerio de Xustiza a que, no caso de que se tramitase un proxecto de lei que modificase a Lei 38/19988 de 28 de decembro, mantivera nesa reforma o actual partido xudicial de Ordes.
Dous xulgados
Ordes conta con dous xulgados nunha sede xudicial que supuxo un importante investimento por parte do Concello de Ordes e a Xunta de Galicia. Uns xulgados que contan con 20 traballadores e celebran uns 3.000 procedementos ao ano.
A súa supresión suporía un grave prexuízo para os 32.700 veciños que cada ano requiren dos seus servizos e que se verían obrigados a desprazarse ata A Coruña. Unhas molestias que non só afectarían aos veciños e veciñas de Ordes, xa que compre lembrar que o partido xudicial de Ordes está composto polos concellos de Frades, Mesía, Ordes, Oroso, Tordoia, Trazo e Val do Dubra, o que supón unha superficie de 752,94 km2 e 37.604 habitantes.
“Polos xulgados de Ordes
pasan cada día unha media de 130 persoas e se celebran máis de 3.000 procesos
ao ano"
"Se a sé do xulgado se traslada a Coruña, isto suporía importantes
molestias e tamén un maior gasto para os máis de 37.000 veciños da comarca, que
terían que desprazarse a máis de 40 quilómetros para facer calquera trámite.
Ademais, tamén suporía un novo golpe para o comercio e a hostalería de Ordes,
pois moitas desas persoas que acoden aos Xulgados aproveitaban para mercar ou
para xantar en Ordes”
“Dende que se coñeceu a decisión do ministro Gallardón, xa ergueron
a súa voz cidades como Vigo, Santiago e Ferrol, estas dúas últimas con goberno
do propio Partido Popular. Esperamos contar coa mesma implicación por parte do
PP ordense”
*
