Os populares pedirán tamén bonificacións no IBI no agro, discapacitados, familias numerosas e ONGs
No Pleno
Municipal que se celebrará este xoves en Ordes, o Partido Popular reclamará que
o Goberno local explique as anomalías detectadas nas obras de ampliación do
cemiterio municipal do Balado que se están a executar neste momento.
Na
nova mazá de panteóns que se están a construír, e na que cada columna debería
estar integrada por catro nichos e un cinceiro convencional, o cinceiro executado
consiste en unha arqueta prefabricada de formigón de 45 x 45 cm, posibilidade
que nada ten que ver coa configuración histórica dos diferentes cemiterios
parroquiais.
Sen embargo, o Concello cobrará aos adquirentes dos novos panteóns
o dereito de aproveitamento dun cinceiro convencional que, unilateralmente, e
sen consultar aos futuros donos, foi substituído por unha arqueta que
dificilmente poderá cumprir a finalidade deste tipo de dotacións.
IBI
O
Partido Popular defenderá tamén unha moción coa que pretende que o
Concello de Ordes modifique a correspondente
ordenanza fiscal de cara a reducir o importe dos recibos do IBI para edificacións
de explotacións agrarias, das vivendas propiedade de discapacitados e de familias
numerosas; así como a exención para os bens propios das entidades sen ánimo de
lucro.
Sen contar coas notificacións erróneas do ano 2013 enviadas en datas
recentes, a recente ponencia de valores e o tipo de gravame aprobado polo
Concello de Ordes fará que o IBI medre un 53% de media en dez anos.
Rogos
- Para evitar o uso indebido dos vehículos
municipais por parte de persoas
alleas ao cadro de persoal do Concello.
- Para instalar unha marquesiña no lugar de O
Souto (Beán), facilitando as esperas dos nenos que utilizan o transporte
escolar.
- Para que o Concello revise, repare e pinte os
pasos de peóns deteriorados.
- Para que o Concello dea a coñecer o custe
total das festas patronais de Ordes celebradas en agosto e informe sobre a
achega municipal e as doazóns recibidas.
- Para que o Concello reclame da empresa titular
da vía o mantemento da estrada que comunica os encoros de San Cosmade e o
de Vilagudín.
- Para desbrozar e reparar o camiño que discorre preto da estrada de Carballo e que enlaza o núcleo de O Balado co tanatorio municipal, a través do Punto Limpo.
Preguntas
- Sobre o importe dunha factura aboada en
concepto de mantemento da piscina climatizada municipal, e sobre os prazos
previstos para a realización de obras de mellora nestas instalacións.
- Sobre a aportación, material e económica,
efectuada polo Concello ao festival celebrado no campo da feira a finais
de agosto.
- Sobre as fochancas aparecidas na Rolda Leste
cando transcorreu pouco máis de un ano desde o remate das obras
contratadas polo Concello.
*
