 |
| A escola municipal infantil Sorrisos. |
Este curso oficializaron a súa matrícula seis nenos e nenas de 0 a 1 ano, trinta de 1 a 2 anos de idade, máis outros 42 de 2 a 3 anos
A Escola Infantil Municipal
Sorrisos ven de iniciar nestes días o novo curso escolar 2013-14 cun horario ininterrumpido que vai de 07:00 a 21:00 horas. As
instalacións mentiveronse pechadas durante o mes de agosto, momento que o
Concello de Ordes realizou unha serie de melloras.
En total, este curso oficializaron a súa matrícula seis nenos e nenas de 0 a 1 ano, trinta de 1 a 2
anos de idade, máis outros 42 de 2 a 3 anos. A escola conta cun equipo
formado por unha directora, cinco educadoras e dous membros de persoal de apoio. Ademais contan co apoio dunha persoa no servizo de cociña e outras máis en labores de limpeza.
Os programas educativos que se
desenvolverán serán de aproximación ao inglés, de educación viaria, o de
animación á lectura, ou a biblioteca con comodato de libros. Tamén se prestará
unha especial atención a diversas campañas solidarias e á escola de nais e pais
onde se poderán intercambiar experiencias e compartir información.
Semanas temáticas
O persoal organizou o calendario deste curso por semanas
temáticas como a vendimia, as estacións do
ano, os animais, a familia, os sentidos, os experimentos científicos, a
infancia, a música, os xoguetes, os dereitos humanos, a reciclaxe, a astronomía,
a paz, a educación ambiental, os transportes, a nutrición, o corpo humano, a
nosa cidade, as profesións, a auga e as árbores, a primavera e a horta, os
animais domésticos, a tradición de Pascua, os libros, a seguridade viaria, o
circo, flora e fauna autóctona, os animais salvaxes, os ritmos do mundo, as
letras galegas, os animais mariños, etc.
Actividades
Durante o primeiro trimestre están
programadas unha vendima, o día
dos animais (4 outubro), o magosto e o
Samaín (31 de outubro), o día da infancia, o día dos dereitos humanos (10
decembro) e a festa de Nadal.
No segundo trimestre, o Dia da
Educación Ambiental (27 de xaneiro), o Día da Paz (30 de xaneiro), o Entroido
(28 de febreiro), o Día do Pai (19 de marzo), o Día das Árbores (21 de marzo) e
o Día da Auga ( 24 de marzo).
Xa nos últimos tres meses celebrarase o Día da Terra (22 de abril), o Día do Libro
(23 de abril), o Día da Seguridade Viaria (28 de abril), o Día da Nai ( primeiro domingo de maio), o Día
dos Maios e as Letras Galegas.(16 de maio), o Día do Medio Ambiente (5 de xuño),
o Día do Sol (23 de xuño) e a gran festa
de final de curso.
*
