O Concello de Ordes levou a cabo a súa
reconstrución tras cedar o terreo o inverno
pasado
Gas Natural Unión Fenosa deberá responder das obras
Tras
varios meses cortada ao tráfico, dende hoxe restableceuse a circulación de vehículos pola ponte de Meitufe, situada na parroquia de Leira. Foi no pasado mes
de xaneiro cando a construción, con máis de 35 anos de antigüidade, quedou
intransitable tras ceder o terreo sobre a que se asentaba.
Dende entón o
Concello de Ordes solicitou o seu arranxo en diversas ocasións á empresa Gas
Natural Unión Fenosa, propietaria dos terreos e responsable dos viais que
transcorren por esta zona ubicada nas inmediacións do encoro de San Cosmade.
Demoras
Segundo informa o Concello de Ordes e ante
a demora na súa reconstrución por parte da empresa enerxética e tendo en conta
os enormes inconvintes que esta situación estaba a causar na veciñanza, o
Concello de Ordes acordou levar a cabo o seu arranxo do xeito máis inmediato co
fin de solucionar o antes posible esta incómoda situación, sin deixar
de reclamarlle Gas Natural Unión Fenosa que asuma a súa responsabilidade.
Entre
os máis afectados encontrábanse os alumnos do CEIP do Mesón do Vento, xa que
unha das liñas do seu transporte escolar cubría este itinerario.
*
