 |
| Estado da rea Compostela, denunciado polo PP de Ordes. |
Aseguran que os escasos
estacionamentos dispoñibles actualmente, como o da rúa Compostela e outros,
están cheos de fochancas sen que o Concello interveña para arranxar as
deficiencias
O Partido Popular de Ordes aunciou o pasado martes que a vila de Ordes presenta
unha seria carencia de prazas de estacionamento de vehículos.
Lonxe de aportar
solucións, o actual equipo de Goberno limitouse a reducir aínda máis a oferta
dispoñible, como sucedeu coa construción dos baixos da Alameda, un proxecto que
seis anos despois de ser executado segue sen reportar beneficios aos
veciños, malia que o seu custe millonario
incrementou a débeda municipal e furtou a residentes e visitantes de preto de
100 prazas de aparcamento no centro da vila, aseguran desde o PP local.
Á vista desta carencia,
o Partido Popular de Ordes no vindeiro Pleno municipal instará ao Concello para
que habilite áreas de estacionamento na vila. Argumenta o PP local que, cunha
xestión intelixente por parte do Concello, podería resultar doado habilitar
novos espazos de aparcamento en áreas céntricas, o que se traduciría en maiores
comodidades para os condutores, pero tamén en beneficios para o comercio local.
Mal estado dos aparcamentos
Ademais, o PP de Ordes
reclamará que o Concello arranxe o deficiente estado de conservación das áreas
de aparcamento libre, cedidas por propietarios particulares. Poñen como
exemplo, os buratos que presenta o aparcamento da rúa Compostela, tanto nos
seus accesos, como na explanada de estacionamento.
“Vendo a realidade, semella que o alcalde de Ordes vive nun mundo
de Yupi, xa que en lugar de preocuparse de arraxar os problemas reais, levita
ocupado en asuntos que a ninguén interesan, como o alugueiro da estación da
Pontraga, que custa máis de 1.000 euros anuais a todos os veciños, ou o
amoblamento do novo salón de actos do Concello”
*
