Xesús Pedreira e Verónica Gómez representaron aos socialistas de Ordes no congreso da Coruña

Momento da votación de Xesús Pedreira xunto ao portavoz municipal do PSdG-PSOE de Santiago, Xosé A. Sánchez Bugallo. Á dereita de imaxe, de negro e con gafas, Verónica Gómez.

O PSdG-PSOE provincial escolleu aos seus dezanove delegados para viaxar a Sevilla co gallo do 38º Congreso Federal

A Agrupación Socialista de Ordes estivo onte representada no Congreso Extraordinario provincial polo seu secretario xeral, Xesús Pedreira, e por Verónica Gómez Fuentes. Este encontro concluiu coa elección dos dezanove delegados que representarán á provincia da Coruña no 38º Congreso Federal do PSOE previsto para os días 3, 4 e 5 de febreiro en Sevilla. Se agarda que dese encontro saia o novo secretario xeral do partido, ou Alfredo Pérez Rubalcaba ou Carme Chacón.


Dúas premisas
As premisas coas que a delegación ordense viaxou á Coruña eran que os secretarios xerais locais, provinciais, autonómicos e estatais foran escollidos por elección directa dos militantes; e que os cargos representativos foran de dúas lexislaturas.

*