 |
| Ana María Álvarez, concelleira de Ordes. |
Os museos Juanjo Liñares e Xoxardo abrirían só as fins de semana
Ana María Álvarez, portavoz de Cidadáns de Galicia (CideGa) na corporación municipal do Concello de Ordes proporá mañá, durante o pleno ordinario do mes de xaneiro, un plan de aforro municipal para Ordes durante o período 2012-2014. Un proxecto que incluirá as seguintes actuacións:
1.- Revisión de todo tipo de incentivos, bonificacións e complementos de produtividade e outros, a todo
o persoal do Concello.
2.- Endebedamento bancario. Renegociación dos créditos, pedindo unha carencia de dous anos para o
pagamento do principal do capital. O capital que se ía destinar a amortizar capital destes préstamos,
se adicará a pagar débedas dos provedores e acredores do Concello.
3.- Gasto eléctrico. No núcleo do Mesón do Vento, Santa Cruz de Montaos, Leira e vila de Ordes
se apagarán alternativamente un de cada dous farois públicos. Tamén os focos do aparcamento do
campo da feira.
Festas
4.- Festas e festexos populares. Festas Patronais de agosto. O Concello deixará de facerse cargo
da organización e custe desta festa. Nombrarase unha comisión de veciños e serían eles quen a organizen
en función da recadación que obteñan. O Concello faría unha achega simbólica.
Cabalgata de Reis e Antroido. Se manterán.
Festival Gala Panorama. Suspensión sine die.
Festival Brincadeira. Se a organización deste festival privado se fai cargo da totalidade dos gastos,
o Concello facilitará a organización do mesmo.
Festas Parroquiais, Festa Lacón, Festa da Malla, etc.... O Concello non se faga cargo do aluguer
de carpas, do aluguer de xeradores eléctricos, e demais materiais que supoña un custe adicional
o Concello. O Concello faría unha achega simbólica.
Festa do Champiñón. O reparto champiñón pasará a cobrarse.
Festa da Terceira Idade. Os asistentes pagarán unha determinada cantidade.
5.- Museo Juanjo Liñares e Museo Xoxardo. Apertura só as fins de semana.
6.- Piscina e Gardería Municipal. Se fará un estudio do custe anual de ámbolos dous servizos, e
en función do resultado do mesmo, se faga unha reestruturación do seu funcionamento, asumíndose
en caso necesario por parte do Concello a xestión directa dos mesmos e subindo as cotas no seu caso.
7.- Supresión das comidas sufragadas polo Concello nas festividades do mesmo e calquer tipo de actos.
8.- Utilización eficiente e ética, de todos e cada un dos medios de transporte dos que dispón o Concello.
9.- Control exhaustivo de todo tipo de compras por persoal especializado e revisión de gastos correntes.
*
