So se
permitirá o tránsito dos vehículos autorizados, turismos e transporte escolar
O Concello de Ordes restrinxirá
a partir de hoxe a circulación de vehículos de máis de 5,5
toneladas pola estrada de Mercurín, tal e como foi anunciado na sesión plenaria
ordinaria do pasado mes de xaneiro onde solicitóuselle á Xunta de Galicia que asumise a titularidade desta
estrada, cuxo arranxo leva impedindo dende hai xa varios anos.
Unhas obras de
mellora orzamentadas en máis de 2,5 millóns de euros con cargo ao Plan Miner e
conseguidas polo Concello xa no ano 2008, contando incluso coa redacción do proxecto
dende 2010.
A pesar de que só resta a
sinatura do convenio entre o Concello de Ordes, a Xunta de Galicia e o
Ministerio de Industria, Turismo y Comercio para que poidan adxudicarse as
obras, ésta non se produce debido, segundo o propio Concello, á actitude por parte do Goberno da Xunta de Galicia.
Deste
xeito, e tras colocar os carteis correspondentes que advirte da prohibición de
circular polo vial dende a rotonda do polígono industrial de Merelle ata o
Concello de Cerceda, tan só se permitirá o tránsito dos vehículos autorizados,
como é o caso de turismos ou os autobuses de transporte escolar.
No caso dos transportes
de gran tonelaxe deberán optar polos distintos desvíos existentes tanto na
estrada de Carballo como na zona do Mesón do Vento.
*
