 |
| Membros do PSOE de Ordes, esta mañá no monumento ás vítimas do 11-M. |
Depositaron un ramo de flores no monumento instalado en 2005 nos parques municipais
A Agrupación Socialista de Ordes realizou esta
mañá unha ofrenda floral ante o monumento ás vítimas do 11-M, situado no parque
municipal Félix Rodríguez de la Fuente de Ordes.
A comitiva, encabezada polo
secretario xeral dos socialistas ordenses, Xesús Pedreira, depositou un ramo de
flores diante da placa que homenaxea ás vítimas, coincidindo co décimo
aniversario do maior atentado realizado en España.
Esta placa foi colocada o 11 de marzo de 2005 polo
Concello de Ordes a instancias dos socialistas ordenses e a pesares das
reticencias iniciais do daquela alcalde de Ordes, o popular Teodosio Martino.
Sobre a pedra da placa están escritos uns versos de Uxío Novoneyra que
din:
“Porta xorda cravada que o pulo sabe!
Dente puño teso a premer valeiro!
Cando volva o vento serás ti Libertá
ou somente abalar de árbores?”
Detrás da placa figura un olivo, símbolo da paz,
prantado aquel 11 de marzo de 2005 no parque municipal Félix Rodríguez de la
Fuente.
*
