Os pequenos do Mesón do Vento danlle un fogar aos paxaros

Os técnicos da concellería de Medio Ambiente colocaron un total de sete caixas-niño

Trátase dunha iniciativa levada a cabo polo Concello de Ordes e Internaco

Un total de oitenta nenos e nenas do CEIP do Mesón do Vento son os primeiros escolares de Ordes en colocar as súas caixas-niño para paxaros, unha iniciativa que está a levar a cabo o Concello en colaboración coa empresa Internaco e que xa fora presentada o pasado 21 de xaneiro.

As caixas-niño están especialmente deseñadas para a súa utilización por especies coma gorrión (común e molinero), abubela, torcecuello, papamoscas gris, herrerillo (común e capuchino), carbonero (común e garrapinos), chochín, trepador azul, agateador común, lavandeira cascadeña e roquero solitario. Isto é así polo tamaño do aguxeiro da entrada de cada caixa, que foron colgadas nas árbores que rodean o colexio do Mesón do Vento polos técnicos da Concellería de Medio Ambiente.

A frase de Xesús Pedreira, tenente de alcalde e concelleiro de Medio Ambiente

"O obxectivo do Concello de Ordes é que os nosos rapaces poidan agora seguir o proceso de cría das aves que aniñen nesas árbores que teñen ao redor do seu colexio e que aprendan como poden influir de xeito positivo na natureza"

*